Lied 52

Ons Vader se naam

(Mattheüs 6:9)

1. Onse Vader in die hemel,

Laat u naam geheilig word.

Laat u Koninkryksbewind kom

Om u seën uit te stort.

Dan word u groot naam verheerlik

Deur die Armageddonslag.

Na u glorieryke sege

Word u naam nooit weer verag.

(Refrein)

2. Ons soek altyd na maniere

Om u grote naam te eer.

Ons sal aanhou om vrymoedig

Ander u gebod te leer.

Met geloof en moed en liefde

Sal ons spreek oor u groot faam.

Heil’ge Vader,ons wil reg leef

Juis ter wille van u naam.

(Refrein)

3. O Jehovah,so verhewe,

U’s die Allerhoogste Heer.

Daar’s vir ons geen hoër roeping

As om u groot naam te eer;

Want u naam is soos ’n toring

Wat aan mense skuiling bied.

U is doelbewus en magtig,

Daarom sal u wil geskied.

(Refrein)

Soewereine Heer Jehovah,

Heel die skepping kom van u.

U’s ons doelbewuste Maker

Wat die aarde gaan hernieu.

O Jehovah,God Almagtig,

U bly steeds ons krag en lied.

Deur die Koninkryk sorg Jesus

Dat u wil ook hier geskied.