Gaan julle vergaderingtye verander?

In gevalle waar ’n paar gemeentes wat dieselfde Koninkryksaal gebruik, ooreengekom het om vergaderingtye te ruil of te verander, moet dit op die eerste Januarie gedoen word. Bereidwilligheid om die bestaande reëling te ondersteun, toon wedersydse liefde en bedagsaamheid. Die verandering in vergaderingtye sal dikwels tot jóú voordeel wees en sal vergaderingbywoning geriefliker maak.

Aan die ander kant pas die verandering hierdie jaar miskien nie mooi in by jou rooster vir bedrywighede nie. Dit verg dalk aanpassings in jou normale roetine wat jou reëlings ietwat omver kan gooi. Elkeen se bereidwilligheid om hulle samewerking te gee, toon waardering vir die reëling oor die algemeen, wat tot die wedersydse voordeel van al die betrokkenes strek.

Die volgende verandering van vergaderingtye val dalk meer in jou smaak. Intussen word jy aangemoedig om die nodige persoonlike veranderinge aan te bring sodat jy al die weeklikse vergaderinge kan bywoon wat deur die gemeente gereël is. Probeer om die beskouing van die psalmis Dawid te hê, wat gesê het: “Ek was bly toe hulle vir my gesê het: Laat ons na die huis van die HERE gaan!”—Ps. 122:1.