Lied 138

O gaan met God!

(Miga 6:8)

1. O gaan met God in ned’righeid,

Beskeie en opreg.

Behou steeds jou onkreukbaarheid,

En wandel op sy weg.

Bewaar die waarheid soos ’n pand,

En laat jou nie verblind;

Dan reik Jehovah jou die hand

Soos ons doen met ’n kind.

2. O gaan met God in vlekloosheid,

Vermy die kwaad voortaan.

Verkry sy guns deur deurentyd

Tot rypheid voort te gaan.

Bedink wat rein en lieflik is,

Regverdig,loflik,waar.

Deur toetse heen bly jy gerus

Met God as steunpilaar.

3. O gaan met God,wees toegewyd,

Dien hom met hart en sin.

Want godsvrug en tevredenheid

Strek jou tot groot gewin.

O gaan met God;wees altyd bly.

Besing sy heerlikheid.

Die grootste vreugde word verkry

In Koninkryksarbeid.