Lied 105
Loof Jehovah se Eersgeborene!
1. Loof God se Eersgebor’ne,
Die Heer se Erfgenaam,
Wat luister na sy Vader
Soos dit ’n seun betaam.
Deur hom is al’s geskape
Wat in die heelal hoort.
Hy loof en eer Jehovah,
En dien ook as Sy Woord.
2. Hy was in Gods gedaante;
Maar soos die Skrif vertel,
Het Jesus hom nie een keer
Aan God gelyk gestel.
Hy het homself ontledig,
’n Dienskneg hier geword;
Ter ere van Jehovah
Sy siel selfs uitgestort.
3. Hiervoor verhoog God Christus;
Oor al’s moet hy regeer,
Om nou sy God se groot naam
Te heilig en te eer.
Hy sal by Armageddon
Al God se knegte hoed,
Die vyand sal hy uitdelg;
En vrede bring vir goed.
4. Loof God se Eersgebor’ne!
Die Lam van God regeer.
Verkondig hierdie tyding;
Laat niemand jul ooit keer.
Skenk aandag aan jul naaste,
Help hul van God te leer,
Want saam wil ons Jehovah
Se Eersgebor’ne eer.