Lied 152
Waardeer God se medelye
1. O,die diepte van die wysheid
En die kennis van die Heer!
Ondeurgrond’lik is sy oordeel!
Wie’t sy weg ooit nagespeur?
Wie van ons kan hom ooit raad gee
Of aan hom ooit hulp verleen?
Is hy iets aan ons verskuldig
Dat hy ons moet ondersteun?
2. Vir ons Heer se medelye
Moet ons altyd dankbaar wees.
Komons wy ons aan ons God toe.
Hom alleen mag ons nou vrees.
Daarna kry sy wil die voorkeur;
Ons belofte sal ons hou.
Met ons hart en siel en rede
Dien ons God voortaan getrou.
3. Ons versaak ou wêreldsweë
En hernieu ons na die gees.
Deur die krag van God se waarheid
En geloof word ons genees.
God se seën vra ons gedurig
Wyl ons hom in ootmoed dien
En mekaar ook innig liefhet;
Dan sal ons die lewe sien.