Aankondigings

◼ Lektuuraanbod vir November: Die verspreiding van Koninkryksnuus Nr. 35 sal voortgesit word. Gemeentes wat hulle gebied gedek het deur ’n eksemplaar van Koninkryksnuus Nr. 35 by huisbewoners in elke huis of woning te laat, kan die Kennis-boek aanbied teen ’n bydrae van R4,00. Desember: Die Nuwe Wêreld-vertaling van die Christelike Griekse Geskrifte saam met die boek Die Bybel—God se woord of die mens s’n? teen ’n bydrae van R8,00. Januarie: Die grootste mens wat nog geleef het teen ’n bydrae van R12,00 of Die mensdom se soeke na God teen ’n bydrae van R6,00. Februarie: Lewe—Hoe het dit hier gekom? Deur evolusie of deur die skepping? of Openbaring—Sy groot klimaks is ophande! teen ’n bydrae van R12,00.

◼ Ná afloop van die spesiale kampanje op 16 November kan gemeentes wat nog Koninkryksnuus Nr. 35 in voorraad het verkondigers aanmoedig om dit op dieselfde manier as die traktate aan te bied, hetsy van deur tot deur of elders. Indien dit raadsaam lyk, kan verkondigers een laat by elke huis waar niemand tuis is nie, maar hulle moet seker maak dat verbygangers dit nie kan sien nie. ’n Poging moet aangewend word om al die oorblywende eksemplare van hierdie belangrike boodskap te versprei.

◼ Presiderende opsiener: Maak asseblief seker dat julle die Unassigned Territory Assignment-rapport (S-91) invul en voor of op 17 November 1997 aan die Genootskap terugstuur. Maak ook seker dat die regte posgeld betaal word. Indien daar enige uitsonderlike ondervindinge van die ontoegekendegebied-kampanje is, moet julle dit asseblief saam met die rapport stuur.

◼Nuwe kompakskyf beskikbaar:

Kingdom Melodies Deel 5 (Orkesmusiek; gemeente, publiek en pioniers: R17,00)

◼ Nuwe videokasset beskikbaar:

The Bible—Its Power in Your Life (Deel 3 van die reeks The Bible—A Book of Fact and Prophecy; gemeente en publiek: R52,00; pioniers: R45,00)—Engels

Goeie nuus op die Internet

In ons tegnologiese eeu verkry party mense inligting van elektroniese bronne, waaronder die Internet. Daarom het die Genootskap juiste inligting oor die opvattings en bedrywighede van Jehovah se Getuies op die Internet geplaas.

Die adres van ons Internet-webruimte is http://www.watchtower.org en bevat ’n versameling traktate, brosjures en Wagtoring- en Ontwaak!-artikels in Engels, Chinees (basiese), Duits, Russies en Spaans, asook in ander tale. Die publikasies op hierdie webruimte is reeds verkrygbaar deur gemeentes en word in die bediening gebruik. Die doel van ons webruimte is nie om nuwe publikasies vry te stel nie, maar om inligting in ’n elektroniese vorm aan die publiek beskikbaar te stel. Dit is nie nodig vir enigeen om Internetblaaie oor Jehovah se Getuies, ons bedrywighede of ons opvattings voor te berei nie. Ons amptelike webruimte bied juiste inligting vir enigeen wat daarin belangstel.

Hoewel ons webruimte geen voorsiening maak vir elektroniese boodskappe (E-pos) nie, bevat dit ’n lys posadresse van takkantore regoor die wêreld. Mense kan dus skryf om meer inligting te verkry of om persoonlike hulp van plaaslike Getuies te ontvang. Gee gerus die bogenoemde Internet-adres aan enigeen wat dalk Bybelwaarhede uit hierdie bron wil begin leer.

Wat gaan ek sê?

Wanneer ons mense ontmoet wat gunstig op ons bediening reageer, wil ons graag teruggaan om vir hulle ’n verdere getuienis te gee. Maar dalk is ons onseker oor wat ons kan sê om die daaropvolgende gesprek aan te knoop. Jy kan hierdie benadering probeer: Vra ’n interessante vraag en gebruik dan die Redenering-boek om die skriftuurlike antwoord te toon. Dit sal nuttig wees om ’n lys vrae te hê waaruit jy een kan kies wat jy meen die beste reaksie by ’n spesifieke besoek sal uitlok. Die lys hieronder, wat uit die Redenering-boek saamgestel is, toon die bladsynommer waar elke antwoord gevind kan word:

◼ Waarom word ons oud en sterf ons? (85)

◼ Bestaan daar gegronde redes om aan God te glo? (160)

◼ Gee God werklik om wat met ons gebeur? (162)

◼ Moet ’n mens hemel toe gaan om ’n waarlik gelukkige toekoms te hê? (196)

◼ Waarom is dit belangrik om God se persoonlike naam te ken en te gebruik? (217)

◼ Wat gaan God se Koninkryk doen? (248)

◼ Wat is die doel van menselewe? (268)

◼ Waarom is daar so baie gelowe? (171)

◼ Hoe kan ’n mens weet watter geloof reg is? (178)

◼ Hoeveel mag oefen Satan in vandag se wêreld uit? (367)

◼ Waarom laat God lyding toe? (279)

◼ Hoekom is daar soveel goddeloosheid? (167)

Jy kan so ’n lys vrae in jou Bybel of Redenering-boek sit sodat jy dit gou kan kry. As jy iets definitiefs in gedagte het om tydens herbesoeke te sê, sal dit jou aanmoedig om getrou terug te gaan na alle belangstellendes wat jy vind.