Lied 127
’n Plek wat u naam dra
1. Jehovah, dit was so ’n eer om
dié plek te kon bou vir u naam!
Ons wy dit aan u met groot blydskap;
dit strek tot u glorie en faam.
Die gawes wat ons u kan aanbied,
het ons tog ontvang uit u hand;
Ons arbeid, talente, besittings,
gee ons u met vreug van ons kant.
(REFREIN)
Ons dra dié plek nou op aan u;
hier word u aanbid voortaan.
Hierdie gebou wy ons aan u,
neem dit as u eie aan.
2. Ons loof u, ons hemelse Vader,
en gee hierdie plek tot u eer.
U glorie neem toe deur vermeerd’ring
van dié wat u weë nou leer.
Ons gee hierdie plek vir aanbidding;
ons sal dit met trots onderhou.
En lank mag dit staan tot getui’nis,
’n blyk van ons liefde getrou.
(REFREIN)
Ons dra dié plek nou op aan u;
hier word u aanbid voortaan.
Hierdie gebou wy ons aan u,
neem dit as u eie aan.
(Sien ook 1 Kon. 8:18, 27; 1 Kron. 29:11-14; Hand. 20:24.)