Lied 43
Staan vas, word sterk, bly waaksaam
1. Staan nou vas, word sterk, bly waaksaam,
moenie voor die vyand swig.
Wees manmoedig, onverskrokke,
want oorwinning is in sig.
Ons doen graag wat Christus van ons vra,
elke opdrag kom ons stipt’lik na.
(REFREIN)
Staan dan vas, word sterk en bly waaksaam!
Ja, volhard tot aan die end!
2. Staan nou vas en bly steeds nugter,
tot gehoorsaamheid geneë.
Volg ons Heer se wyse leiding
wat hy deur sy slaafklas gee.
Luister na die raad van herders wat
ons beskerm op ons lewenspad.
(REFREIN)
Staan dan vas, word sterk en bly waaksaam!
Ja, volhard tot aan die end!
3. Staan nou vas en bly verenig.
Maak die goeie nuus bekend.
Ondanks teenstand van die vyand
sal ons preek tot aan die end.
Sing tot lof van God; verkondig bly:
God se oordeelsdag is nou naby!
(REFREIN)
Staan dan vas, word sterk en bly waaksaam!
Ja, volhard tot aan die end!
(Sien ook Matt. 24:13; Heb. 13:7, 17; 1 Pet. 5:8.)