Tevrede met God se goeie gawes

1. Elk’ goeie gawe, elk’ geskenk

wat ons tog so waardeer,

Ontvang ons van Jehovah God,

dit daal van hom af neer.

By hom is geen verandering;

bestendig is sy weë.

Jehovah is ons Groot Voorsiener,

wat lig en lewe gee.

2. Geen kwellinge hoef ons te hê;

ons weet God sal voorsien.

Ja, hy wat selfs die voëltjies voed,

sal sorg vir wie hom dien.

Ons wil ook nie ons tyd verkwis

deur rykdom na te streef;

Tevredenheid met al Gods gawes

laat ons eenvoudig leef.

3. Wat mense nou belangrik ag,

is waardeloos by God.

Streef dus nie groter dinge na,

en bly by sy gebod.

Mag ons dan nou tevrede wees,

ons oog eenvoudig hou;

Dan sal ons by ons God, Jehovah,

’n ryke skat opbou.