Lied 131
Jehovah bied uitkoms
1. U het bewys u is die God wat lewe gee;
U werke is so groot, op land en in die see.
Geen ander god kan nadoen wat u vermag deur u krag.
Vyande sal vergaan.
(REFREIN)
Jehovah bied uitkoms aan sy lojales.
Sy dienaars ervaar hulle Rots is altyd daar.
Toon dus moedig geloof in ons God; spreek van sy faam.
Loof Jehovah, wat uitkoms sal bied, en prys sy naam.
2. Die toue van die dood omsluit my, en ek smeek:
“Jehovah, gee my krag, help my waar moed ontbreek.”
Vanuit u tempelwoning hoor u my pleit, deurentyd:
“Red my tog, o my God.”
(REFREIN)
Jehovah bied uitkoms aan sy lojales.
Sy dienaars ervaar hulle Rots is altyd daar.
Toon dus moedig geloof in ons God; spreek van sy faam.
Loof Jehovah, wat uitkoms sal bied, en prys sy naam.
3. U stem sal uit die hemel soos die donder dreun.
U knegte sal dan juig; u vyande sal kreun.
Wat nodig is, dit word u vir iedereen—wat ’n seën!
U sal die uitkoms bied.
(REFREIN)
Jehovah bied uitkoms aan sy lojales.
Sy dienaars ervaar hulle Rots is altyd daar.
Toon dus moedig geloof in ons God; spreek van sy faam.
Loof Jehovah, wat uitkoms sal bied, en prys sy naam.
(Sien ook Ps. 18:1, 2; 144:1, 2.)