Lied 26
O, wandel met Jehovah God!
Gedrukte weergawe
(Miga 6:8)
1. O, wandel met Jehovah God,
Beskeie en opreg.
Hou vas aan jou onkreukbaarheid,
En bly op God se weg.
As jy dan in sy waarheid bly
En jou nie laat verblind,
Sal God jou aan die hand bly lei,
Net soos ’n kleine kind.
2. O, wandel met Jehovah God;
Bly rein, vermy die kwaad.
En vorder tot volwassenheid;
Eer God met elke daad.
En als wat kuis en lieflik is,
Regverdig, goed en waar,
Bedink dit; dan weet jy gewis:
Gods hulp is altyd daar.
3. O, wandel met Jehovah God,
Getrou en toegewyd.
Dit lei beslis tot God se seën
En groot tevredenheid.
O, gaan met God, wees altyd bly;
Besing sy lof en eer.
Die grootste vreugde word verkry
In diens van onse Heer.
(Sien ook Gen. 5:24; 6:9; Fil. 4:8; 1 Tim. 6:6-8.)