Jehovah, God van vrede

1. O God wat vrede gee,

liefde kenmerk al u weë.

Gee ons rus en gee ons vrede,

dit bring goeie vrugte mee.

U leiding neem ons aan;

dis die weg om in te slaan.

Skenk ons nou u eie vrede,

wat verstand te bowe gaan.

2. Die wêreld, so verhard,

saai in pyn en maai in smart.

Maar u volk het ware vrede—

rus en kalmte in ons hart.

U wil doen ons getrou,

ons geloftes sal ons hou.

O Jehovah, seën ons pogings;

mag u vrede ons omvou.

3. U gees verskerp ons sig

wyl u Woord ons weg verlig.

In die duister, wrede wêreld

sal u ons behoed en rig.

Mag vrede soos die dou

ons verkwik en kalm hou;

Ons verstand en hart bewaak dit;

daarom bly ons steeds getrou.