God se gawe van heilige gees

1. Groot Soewerein, o Vader Jehovah,

Groter is u as ons sondig hart.

Lig tog ons las, verminder ons lyding;

U heil’ge gees bring verligting van smart.

2. Vader, ons skiet te kort aan u glorie;

Ons is geneig om soms af te dwaal.

Gee ons u gees en wys ons die weg aan,

Dat ons ons sondes nie aanhou herhaal.

3. Wanneer ons moeg is, swak of mismoedig,

Skenk ons u gees wat ons hart versterk.

Dan sal ons opvaar net soos ’n arend,

Want u groot krag is in ons aan die werk.