Die nuwe lied

1. Sing vir God ’n lied, ’n nuwe lied met al jul krag.

Sing van sy prestasies en wat hy sal vermag.

Loof sy sterke arm; in elke stryd sal God oorwin.

Ewig en regverdig, bring hy sy oordeel in.

2. Sing ’n melodie vanweë die vreug wat ons geniet!

Loof sy naam, bring hulde; sing luid ’n vreugdelied.

Skaar jou aan sy kant, besing die lof van onse Heer.

Harp, trompet en horing weerklink nou tot sy eer.

3. Laat die see wat dreun en als daarin hul lof laat hoor.

Laat die ganse aarde sing in ’n jubelkoor.

Laat die land ook juig, en laat riviere hande klap.

Berge en valleie loof God se koningskap.