Verwysings vir die Lewe en Bediening-vergaderingwerkboek
7-13 JANUARIE
SKATTE UIT GOD SE WOORD | HANDELINGE 21-22
Soek na geestelike skatte
(Handelinge 22:16) En waarom talm jy nou? Staan op, laat jou doop en was jou sondes af deur sy naam aan te roep.’
Studienota oor Han 22:16 in nwtsty
was jou sondes af deur sy naam aan te roep: Of, “was jou sondes af en roep sy naam aan”. Dit is nie die doopwater wat ’n mens se sondes afwas nie, maar die feit dat hy Jesus se naam aanroep. Dit beteken dat ’n mens geloof in Jesus stel en Christelike werke doen as bewys van daardie geloof. – Han 10:43; Jak 2:14, 18.
14-20 JANUARIE
SKATTE UIT GOD SE WOORD | HANDELINGE 23-24
Soek na geestelike skatte
(Handelinge 23:6) En toe Paulus merk dat die een deel uit Sadduseërs maar die ander uit Fariseërs bestaan, het hy in die Sanʹhedrin begin uitroep: “Manne, broers, ek is ’n Fariseër, ’n seun van Fariseërs. Oor die hoop op die opstanding van die dooies word ek geoordeel.”
Studienota oor Han 23:6 in nwtsty
ek is ’n Fariseër: Party van die omstanders het Paulus geken (Han 22:5). Hulle sou verstaan het dat Paulus, toe hy homself ’n seun van Fariseërs genoem het, erken het dat hy en die Fariseërs ’n gemeenskaplike erfenis, of godsdiensagtergrond, het. Die Fariseërs van die Sanhedrin het geweet dat Paulus ’n ywerige Christen geword het, en daarom sou die mense dit nie verkeerd verstaan het nie. Maar in hierdie konteks kan Paulus se woorde dat hy ’n Fariseër is in relatiewe sin verstaan word; net soos die Fariseërs het Paulus aan die opstanding geglo, en daarom het hy gesê dat hy ’n Fariseër is, en nie ’n Sadduseër nie. Daardeur het hy gewys dat hy en die Fariseërs wat daar was dieselfde hieroor gevoel het. Hy het waarskynlik gehoop dat hierdie kontroversiële onderwerp sou veroorsaak dat party van die lede van die Sanhedrin sy kant van die argument sou kies, en sy plan het gewerk (Han 23:7-9). Paulus se woorde hier in Han 23:6 stem ook ooreen met hoe hy homself beskryf het toe hy hom later voor koning Agrippa verdedig het (Han 26:5). En toe Paulus uit Rome aan mede-Christene in Filippi geskryf het, het hy weer sy agtergrond as ’n Fariseër genoem (Flp 3:5). En Han 15:5 praat ook van ander Christene wat eers Fariseërs was. – Sien die studienota oor Han 15:5.
(Handelinge 24:24) ’n Paar dae later het Feliks gekom saam met sy vrou Drusilʹla, wat ’n Jodin was, en hy het Paulus laat haal en hom aangehoor oor die geloof in Christus Jesus.
(Handelinge 24:27) Maar toe twee jaar verloop het, is Feliks deur Porcius Festus opgevolg; en omdat Feliks in die Jode se guns wou kom, het hy Paulus in gevangenskap agtergelaat.
Studienota oor Han 24:24 in nwtsty
Drusilla: Die derde en jongste dogter van die Herodes wat in Han 12:1 genoem word, naamlik Herodes Agrippa I. Sy is in ongeveer 38 HJ gebore en was ’n suster van Agrippa II en Bernice. (Sien die studienota oor Han 25:13 en woordelys, “Herod”, in nwt.) Goewerneur Feliks was haar tweede man. Sy was eers met die Siriese koning Asisus van Emesa getroud, maar het van hom geskei. Daarna is sy in ongeveer 54 HJ met Feliks getroud toe sy omtrent 16 jaar oud was. Dit is moontlik dat sy by was toe Paulus met Feliks gepraat het “oor regverdigheid en selfbeheersing en die komende oordeel” (Han 24:25). Toe Festus vir Feliks as goewerneur opgevolg het, het Feliks Paulus in gevangenskap gelos om “die Jode se guns” te wen. Party dink dat hy dit gedoen het om sy jong vrou, wat ’n Jodin was, gelukkig te maak. – Han 24:27.
21-27 JANUARIE
SKATTE UIT GOD SE WOORD | HANDELINGE 25-26
Soek na geestelike skatte
(Handelinge 26:14) En toe ons almal op die grond geval het, het ek ’n stem in die Hebreeuse taal vir my hoor sê: ‘Saul, Saul, waarom vervolg jy my? Om teen die prikkels te bly skop, maak dit vir jou moeilik.’
Studienota oor Han 26:14 in nwtsty
teen die prikkels te . . . skop: ’n Prikkel, of veedrywerstok, is ’n skerp stok wat gebruik word om diere aan te dryf (Rig 3:31). Die uitdrukking “om teen die prikkels te . . . skop” is ’n gesegde wat in Griekse literatuur gevind word. Dit word gebruik in die sin van ’n hardkoppige bul wat vasskop wanneer hy met die prikkel aangedryf word, en wat veroorsaak dat die dier beseer word. Voordat Saulus ’n Christen geword het, het hy ook so opgetree. Deur teen Jesus se volgelinge, wat Jehovah God se ondersteuning gehad het, te stry, het Paulus die gevaar geloop om ernstig seer te kry. (Vergelyk Han 5:38, 39; 1Ti 1:13, 14.) In Pr 12:11 word “osprikkels” in figuurlike sin genoem. Dit is soos die woorde van ’n wyse mens wat sy luisteraar daartoe beweeg om raad te volg.
Woordelys in nwt
Prikkel. ’n Lang stok met ’n skerp metaalpunt wat deur boere gebruik is om diere aan te dryf. Die prikkel word vergelyk met die woorde van ’n wyse mens wat sy luisteraar daartoe beweeg om wyse raad te volg. “Om teen die prikkels te . . . skop”, is soos ’n hardkoppige bul wat vasskop wanneer hy met die prikkel aangedryf word, en wat veroorsaak dat hy beseer word. – Han 26:14; Rig 3:31.
28 JANUARIE – 3 FEBRUARIE
SKATTE UIT GOD SE WOORD | HANDELINGE 27-28
Soek na geestelike skatte
(Handelinge 27:9) Aangesien ’n geruime tyd verloop het en dit toe al gevaarlik was vir skeepvaart, omdat selfs die vas van die versoendag reeds verby was, het Paulus raad gegee
Studienota oor Han 27:9 in nwtsty
die vas van die versoendag: Of, “die herfsvas”. Lett., “die vas”. Die Griekse woord vir “die vas” verwys na die enigste vas wat onder die Mosaïese Wet verplig was. Hierdie vas op die jaarlikse versoendag word ook Jom Kippoer genoem (Hebreeus, yohm hak·kip·pu·rimʹ, “dag van die bedekkings”). (Le 16:29-31; 23:26-32; Nu 29:7; sien die woordelys, “Day of Atonement”, in nwt.) Die uitdrukking “siel kasty” wat in verband met die versoendag gebruik word, verwys heel waarskynlik na verskillende vorme van selfonthouding, onder andere om te vas (Le 16:29). Die gebruik van die woorde “die vas” in Han 27:9 ondersteun die gedagte dat vas een van die belangrikste maniere van selfonthouding was op die versoendag. Die vas van die versoendag was naby die einde van September of aan die begin van Oktober.
(Handelinge 28:11) Drie maande later het ons weggeseil in ’n boot uit Aleksandrië wat op die eiland oorwinter het en die boegbeeld “Seuns van Zeus” gehad het.
Studienota oor Han 28:11 in nwtsty
Seuns van Zeus: Volgens die Griekse en Romeinse mitologie was Kastor en Polluks die “Seuns van Zeus” (Grieks, Di·oʹskou·roi), en was hulle tweelingseuns van die god Zeus (Jupiter) en die Spartaanse koningin Leda. Hulle is onder andere beskou as die beskermers van seemanne wat matrose kon red wat in gevaar was op die see. Hierdie detail oor die skip se boegbeeld is nog ’n bewys dat die verslag deur ’n ooggetuie geskryf is.