STUDIE 11

Entoesiasme

Romeine 12:11

WAT JY MOET DOEN: Moedig jou gehoor aan en motiveer hulle deur met entoesiasme te praat.

Berei jou hart voor. Terwyl jy jou aanbieding voorberei, moet jy goed nadink oor die belangrikheid van jou boodskap. Jy moet jou inligting so goed leer ken dat jy uit die hart daaroor kan praat.
Dink aan diegene wat na jou luister. Dink na oor hoe die inligting wat jy vir ander gaan lees of leer, hulle sal help. Dink aan maniere hoe jy die inligting kan oordra sodat hulle meer waardering daarvoor sal hê.
Maak jou aanbieding interessant. Praat met entoesiasme. Gebruik natuurlike gebare en gesigsuitdrukkings om te wys hoe jy voel.

Probeer om nie jou gehoor se aandag af te trek deur dieselfde gebare oor en oor te gebruik nie. Gebruik gepaste gebare. Wees veral entoesiasties wanneer jy belangrike punte vir ander leer en jy hulle wil motiveer om op te tree. Moenie jou gehoor moeg maak deur regdeur jou aanbieding baie entoesiasties te wees nie.