STUDIE 18

Leersaam vir jou gehoor

1 Korintiërs 9:19-23

WAT JY MOET DOEN: Help jou gehoor om self oor die onderwerp te dink sodat hulle voel dat hulle iets geleer het wat hulle sal help.

Dink aan wat jou gehoor alreeds weet. In plaas daarvan om dinge te herhaal wat hulle al voorheen gehoor het, help hulle om met nuwe oë na die onderwerp te kyk.

Dek bekende punte vinniger, maar gaan stadiger wanneer jy gedagtes bespreek wat nuut is.
Doen navorsing en dink daaroor na. Wanneer dit moontlik is, kan jy minder bekende feite of onlangse gebeure gebruik om hoofgedagtes te verduidelik. Maar maak seker dat hierdie feite by jou materiaal pas.

Terwyl jy die inligting ondersoek, kan jy jou vrae afvra soos ‘wat, hoekom, wanneer, waar en hoe’. Dit sal jou help om dieper na te dink oor die inligting. Maak jou onderrigting lewendig deur gedurende jou aanbieding ’n paar van hierdie vrae te vra en hulle dan te beantwoord.
Wys hoe jou gehoor by jou boodskap kan baat vind. Verduidelik hoe skriftuurlike gedagtes jou gehoor in hulle daaglikse lewe kan help. Bespreek spesifieke situasies, gesindhede en optrede wat op jou gehoor van toepassing is.