Gee eer aan Jehovah

1. Wie is soos u, o Jehovah –

hoog op u hemelse troon?

Wat kan ek ooit aan u t’ruggee

vir hoe u aan my liefde toon?

Oral, as ek om my rondkyk,

sien ek u glorie en krag.

Hoe’s dit dat u my dan liefhet –

wie’s ek dat u saam met my stap?

2. Als wat ek is, hoort aan u, Heer.

U is die vuur in my hart –

ek sal bly praat oor u goedheid,

u wonders en gawes en mag.

Trots dien ek u, o Jehovah –

geen groter eer kan daar wees!

U is my krag en my Herder,

my God vir solank as ek leef.

3. U’t als gemaak, o Jehovah –

“elke volmaakte geskenk”.

Als in u skepping verstom my

en wys my hoe lief u my het.

Majesteit, krag, prag en wysheid –

dis wat ek al om my sien.

Ek wil u eer, dank en prys, Heer,

want als wat daar is, kom van u!