Die artikel het op die regte tyd gekom

“EK WIL julle graag bedank vir die artikel ‘Kolletjies voor jou oë?’ in die Ontwaak! van 8 Junie 2000”, skryf Gloria, wat in Quebec, Kanada, woon. “Ek sien nou al ’n paar jaar lank klein kolletjies, en daar is vir my gesê dat dit normaal is. In die laaste tyd het ek baie meer daarvan begin sien, en dit het my gepla.

“Die artikel het gesê dat dit beter is om jou oë te laat ondersoek as jy ’n vermeerdering in kolletjies opmerk. Dit is wat ek gedoen het. Ek het ’n oogarts gaan spreek, en hy het ’n skeur in my retina gevind. Die dokter het ’n klein laseroperasie voorgestel en die prosedure aan my probeer verduidelik. Ek het vir hom die prent van die oog op bladsy 24 van die Ontwaak! gewys. Hy het die prent gebruik om dinge aan my te verduidelik en toe na die voorblad gekyk en gesê: ‘O—Ontwaak!’ en die tydskrif in sy lêer gehou.

“Die operasie het goed afgeloop, en ek is baie gelukkig. Danksy die Ontwaak! is ek net betyds bewus gemaak van die skeur, andersins kon my retina maklik verder losgekom het.”

Hoewel die Ontwaak! nie ’n mediese tydskrif is nie, sluit dit dikwels leersame artikels oor gesondheid en geneeskunde in. Terwyl selfs die beste mediese behandeling ons nie volmaakte gesondheid kan gee nie, bied die Skepper van die menseliggaam so ’n waarborg. Hoe gaan hy die mensdom genees? Kan sy beloftes vertrou word?

Jy sal die antwoorde op hierdie en ander vrae vind in die brosjure met 32 bladsye Gee God werklik vir ons om? Jy sal dit dalk veral geniet om deel 10 te lees met die titel: “Die wonderlike nuwe wêreld wat God tot stand gaan bring.” Jy kan hierdie brosjure aanvra deur die bygaande koepon in te vul en na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die brosjure Gee God werklik vir ons om? by my af. Dui taalvoorkeur aan.

□ Tree asseblief met my in verbinding in verband met ’n gratis tuisbybelstudie.