Waar kan antwoorde gevind word?

Dit is iets wat baie mense vandag vra. ’n Onderwyseres in Nowosibirsk, Rusland, het gesê dat dit nie maklik is om antwoorde op vrae te vind wat haar leerlinge oor God en godsdiens vra nie. Sy het in ’n brief verduidelik:

“Toe ek eendag by die huis kom, het ek ’n traktaatjie gevind met die titel ‘Waarom jy die Bybel kan vertrou’. Ek gee geskiedenis op skool, en ek moet dikwels onderwerpe soos die kerk, die Bybel en God met die leerlinge bespreek. Soms is dit baie moeilik om antwoorde op die kinders se vrae te vind.

“In die verlede het ek gedink dat mense net tot God bid wanneer hulle probleme het. Maar nou weet ek dat dit nie heeltemal waar is nie. ’n Mens vra ook: ‘Waarom ek? Wie is ek? Waar kom ek vandaan? Waarheen gaan ek wanneer ek sterf?’ Dit is belangrik om antwoorde op hierdie vrae te vind. Dit lyk of die Bybel oortuigende argumente bevat.”

Die onderwyseres het ten slotte gesê: “Ek het hierdie brief geskryf omdat ek meer oor die Bybel en God wil weet.”

Jehovah se Getuies vestig mense se aandag op die Bybel vir antwoorde op hulle vrae. Neem byvoorbeeld die boek Kennis wat tot die ewige lewe lei. Dit bevat 19 hoofstukke met titels soos: “Wie is die ware God?”, “Waarom word ons oud en sterf ons?” en “Waarom laat God lyding toe?” Jy kan hierdie Bybelstudiehulp met 192 bladsye aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die boek Kennis wat tot die ewige lewe lei by my af.

□ Tree asseblief met my in verbinding in verband met ’n gratis tuisbybelstudie.