“Help my asseblief! Julle is my enigste hoop”

DIT IS HOE ’N DOKTER by die Mediese Universiteit van Kaunas in Litaue ’n brief aan die kantoor van Jehovah se Getuies in daardie land afgesluit het. Die dokter het verduidelik:

“By die werk het ek die boek Vrae wat jongmense vra—Antwoorde wat werk begin lees. Ek wou inligting daaruit in party van my artikels gebruik, maar iets het gebeur en die boek het verdwyn. Iemand het dit blykbaar gevat. Dit het my baie gekwel—die feit dat ek so ’n kosbare besitting verloor het. Wees asseblief so gaaf om vir my nog ’n eksemplaar te stuur.

“Ek het hierdie boek dringend nodig, want ek besoek skole en werk met jongmense, en hierdie boek help my om baie van hulle vrae te beantwoord. As ek nog ’n eksemplaar ontvang, sal ek dit by die huis hou en dit goed oppas. Hierdie boek bevat iets baie kosbaars, en dit is seker waarom iemand dit gevat het. In hierdie moeilike tye het ons krag van iewers af nodig. Help my asseblief! Julle is my enigste hoop.”

Die Jongmense vra-boek bespreek baie vrae waaroor jongmense wonder, soos: “Wat kan ek doen sodat my ouers my meer vryheid sal gee?”, “Moet ek die huis verlaat?”, “Hoe kan ek ware vriende maak?”, “Watter loopbaan moet ek kies?”, “Wat van voorhuwelikse seks?” en “Hoe weet ek of dit ware liefde is?” Hierdie is net ’n paar van die hoofstuktitels. Jy kan hierdie boek aanvra deur die koepon hieronder in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Stuur asseblief vir my die boek Vrae wat jongmense vra—Antwoorde wat werk.

□ Tree asseblief met my in verbinding in verband met ’n gratis tuisbybelstudie.