‘Dikwels deur leerlinge geraadpleeg’

’N BIBLIOTEKARIS van Divinópolis, in die Brasiliaanse staat Minas Gerais, het aan die takkantoor van Jehovah se Getuies in Brasilië geskryf oor die groot belangstelling wat leerlinge in die Ontwaak! toon. Hy het verduidelik:

“By die munisipale skoolbiblioteek waar ek werk, ontvang ons soms skenkings van boeke en tydskrifte wat deur [Jehovah se Getuies] gepubliseer word. Alhoewel min of geen van die leerlinge Jehovah se Getuies is nie, word die Ontwaak! dikwels geraadpleeg deur leerlinge wat oor verskeie onderwerpe navorsing doen. Byvoorbeeld, die nommer van 8 September 2000 was baie nuttig, aangesien dit leersame artikels oor die Olimpiese Spele bevat het. Ek wil julle dus graag vra om ons van ’n groot hoeveelheid verskillende nommers van die Ontwaak! te voorsien. Ek is seker julle deel my belangstelling om opbouende leesstof aan jongmense te verskaf.”

Op bladsy 4 van elk nommer van die Ontwaak! sê die tydskrif waarom dit gepubliseer word. “Hierdie tydskrif”, verduidelik dit, “bou bowenal vertroue op in die Skepper se belofte van ’n vreedsame en veilige nuwe wêreld wat die huidige bose, wettelose stelsel van dinge binnekort gaan vervang.”

Jehovah se Getuies publiseer ook brosjures wat spesifiek vir daardie doel geskryf is, waarvan Wat is die doel van die lewe? Hoe kan jy dit vind? een is. Jy kan ’n eksemplaar aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die brosjure Wat is die doel van die lewe? Hoe kan jy dit vind? by my af.

□ Tree asseblief met my in verbinding in verband met ’n gratis tuisbybelstudie.