“Dit het op die regte tyd gekom”

DIT is wat ’n man van die stad Abakaliki gesê het in ’n brief aan die takkantoor van Jehovah se Getuies in Nigerië. Hy het gepraat van die brosjure Wanneer ’n geliefde sterf, wat ’n rukkie gelede aan hom gegee is. Hy het verduidelik:

“Ek het my geliefde vrou, Tochi, op 18 Junie 2000 aan die dood afgestaan, kort nadat sy geboorte geskenk het. Meer as ’n maand later het ek nog steeds nie oor die skok, emosionele gevoelloosheid, leegheid en ongeloof gekom van een van die mees traumatiese verliese wat ek nog gely het nie. Toe, in Julie, het een van Jehovah se Getuies vir my die publikasie Wanneer ’n geliefde sterf gegee. Die brosjure was vir my soos medisyne, en ek het, danksy die raad daarin, geleidelik begin om die stukke op te tel wat van my lewe oorgebly het. Dit het my werklik weer hoop gegee en my laat besef dat daar lig aan die einde van die donker tonnel is.”

Dalk sal jy of iemand wat jy ken, ook vertroosting put uit hierdie brosjure met 32 bladsye. Jy kan hierdie brosjure aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die brosjure Wanneer ’n geliefde sterf by my af.

□ Tree asseblief met my in verbinding in verband met ’n gratis tuisbybelstudie.