Almal het dit geneem

By ’n skool in Basel, Switserland, het ’n onderwyser die leerlinge gevra om ’n praatjie van 10 tot 15 minute voor te berei oor ’n onderwerp van hulle keuse. Die 15-jarige Rosi het die onderwerp “Jou jeug—Hoe om dit ten beste te benut” gekies.

“Watter soort onderwerp is dit?” het haar klasmaats gevra. “Gaan jy oor dwelms praat?”

“Julle sal sien”, het sy geantwoord.

Aan die einde van haar praatjie het die leerlinge hande geklap. Toe het Rosi gesê: “Vyftien minute is regtig nie lank genoeg om te vertel hoe om jou jeug ten beste te benut nie.” Daarom het sy gesê: “Ek het ’n geskenk vir julle almal.” Sy het vir elke leerling ’n eksemplaar van die boek Vrae wat jongmense vra—Antwoorde wat werk gegee, altesaam 20 boeke. Dit was netjies toegedraai en het elke klasmaat se naam opgehad.

Almal het die boek met graagte geneem, en daar is later gesien hoe hulle die inhoud daarvan nagaan, wat hoofstukke insluit soos: “Wat kan ek doen sodat my ouers my meer vryheid sal gee?” “Hoe kan ek ware vriende maak?” “Watter loopbaan moet ek kies?” “Wat van voorhuwelikse seks?” en “Hoe weet ek of dit ware liefde is?”

Daar is altesaam 39 hoofstukke. Jy kan hierdie boek aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die boek Vrae wat jongmense vra—Antwoorde wat werk by my af.

□ Tree asseblief met my in verbinding in verband met ’n gratis tuisbybelstudie.