Dit het met die wind gekom
’n Man het in een van die strate van Moembaai, Indië, gestap toe ’n rukwind ’n stuk papier voor hom ingewaai het. Dit was Koninkryksnuus nr. 36, met die titel “Die nuwe millennium—Wat hou die toekoms vir jou in?” Die onderwerp het sy aandag getrek. Hy het dit onmiddellik opgetel en die hele traktaat gelees. Dit het sy belangstelling gewek, en omdat hy meer wou weet, het hy ’n Bybel en ander publikasies aangevra.
Die traktaat, wat deur Jehovah se Getuies uitgegee is, bevat geloofversterkende gedagtes. Dit toon duidelik dat die probleme waarmee ons te kampe het, onder meer siekte, armoede en oorlog, veroorsaak word deur “hebsug, wantroue en selfsug—eienskappe wat nie bloot deur wetenskaplike navorsing, tegnologie of die politiek uitgewis kan word nie”. Die traktaat toon ook dat God in die nabye toekoms hierdie aarde van goddeloosheid sal bevry.
Sal jy graag meer wil leer oor die Bybel se beloftes vir die toekoms? Jehovah se Getuies studeer die Bybel met miljoene mense in hulle huise en maak gebruik van Bybelpublikasies, soos die brosjure Wat vereis God van ons? Hierdie brosjure beantwoord vrae soos: Wie is God? Wat is God se voorneme met die aarde? Wat is die Koninkryk van God? Hoe kan die Bybel jou gesinslewe verbeter?
As jy wil hê dat Jehovah se Getuies jou tuis moet besoek om jou te help verstaan wat God in die nabye toekoms gaan doen, sal hulle dit met graagte doen en jou meer inligting oor God se Koninkryk gee. Vul asseblief die koepon hieronder in sodat hulle jou kan help.
□ Lewer asseblief die brosjure Wat vereis God van ons? by my af.
□ Tree asseblief met my in verbinding in verband met ’n gratis tuisbybelstudie.