“Hierdie keer het dit my geraak”

In 1994 het Jehovah se Getuies ’n brosjure uitgegee wat bespreek hoe ’n mens die dood van ’n geliefde kan verwerk. Dit het sedertdien al baie mense vertroos.

Onlangs is ’n brief ontvang van ’n dankbare leser in Pennsilvanië, VSA, wat geskryf het: “Toe ek die brosjure aanvanklik gekry het, het ek gedink: ‘Dit is ’n baie goeie publikasie.’ Maar ek het nie besef hoe waardevol dit is totdat ek my dogter twee weke gelede verloor het nie. Omdat ek verskriklik hartseer was en hulp nodig gehad het, het ek die brosjure begin lees. Hierdie keer het dit my geraak. Dit het alles gedek wat my bedroef gemaak het, en dit het my vertroos.”

Die brosjure Wanneer ’n geliefde sterf beantwoord vrae soos: Hoe kan ek my smart verwerk? Hoe kan ander help? Watter hoop is daar vir diegene wat gesterf het?

Miskien sal jy of iemand wat jy ken, ook deur hierdie brosjure met 32 bladsye vertroos word. Jy kan hierdie brosjure aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die brosjure Wanneer ’n geliefde sterf by my af.

□ Tree asseblief met my in verbinding in verband met ’n gratis tuisbybelstudie.