’n Boek vir jongmense

’n Student aan ’n universiteit in Arkhangelsk het na die takkantoor van Jehovah se Getuies in Rusland geskryf. Sy het verduidelik dat iemand op straat haar ’n tydskrif gegee het wat deur die Getuies uitgegee word. “Dit het my oor die lewe laat dink en oor wat ek van God en godsdiens weet”, het sy geskryf. “Nou wil ek die Bybel bestudeer. Ek wil meer leer van die persoon wat sy lewe vir ons sondes en ons redding gegee het sonder dat hy enigeen van ons geken het.”

Haar brief het verder gesê: “Julle doen ’n baie belangrike werk, veral omdat julle aan kinders die verskil tussen goed en kwaad verduidelik. Hulle is immers soos sponse wat alles rondom hulle absorbeer en dan verander om in te pas.” Die student het ’n jonger broer en suster en sy het ’n eksemplaar van die boek Vrae wat jongmense vra—Antwoorde wat werk aangevra. “Ek hoop dit sal hulle op skool en in die lewe oor die algemeen help”, het sy gesê.

Jy kan ook ’n eksemplaar aanvra van hierdie boek, wat spesiaal saamgestel is om jongmense te help met die probleme waarvoor hulle vandag te staan kom. Vul net die bygaande koepon in en pos dit na die adres op die koepon of na die gepaste adres op bladsy 5 van hierdie tydskrif.

□ Lewer asseblief die boek Vrae wat jongmense vra—Antwoorde wat werk by my af. Dui taalvoorkeur aan.

□ Tree asseblief met my in verbinding in verband met ’n gratis tuisbybelstudie.