Hoeveel kan jou kind leer?

Volwassenes is dikwels onbewus van ’n kind se leervermoë. En tog leer kinders gewoonlik ’n nuwe taal vinniger as hulle ouers aan. Teen die tyd dat hulle vier jaar oud is, praat party kinders twee of meer tale. Verlede jaar het Rhonda, ’n vrou van Auburn, Washington, VSA, wat ’n kind se leervermoë bevraagteken het, geskryf: “Dankie dat julle my die geleentheid gee om te erken dat ek heeltemal verkeerd was.”

Rhonda het verduidelik dat sy ’n ondervinding in ons medetydskrif, Die Wagtoring, se nommer van 1 Augustus 1988 gelees het en het gesê: “Op bladsy 13 het ’n ma van ’n vier en ’n halfjarige seuntjie vertel dat sy vir hom ’n verhaal uit My boek met Bybelverhale gelees het, en toe sy by ’n plek pouseer, het hy die verhaal woord vir woord voortgesit. Sy het bygevoeg dat hy die eerste 33 verhale van die boek gememoriseer het, insluitende moeilike name van plekke en mense. Ek moet erken dat ek destyds gedink het dat dit onmoontlik is. Wel, ek was verkeerd. Ek het nou ’n vierjarige dogtertjie wat ook baie van die verhale in die Bybelverhale-boek gememoriseer het.”

Wat doen jy om jou kind aan te moedig om te leer? Jy kan My boek met Bybelverhale aanvra, ’n boek met 256 bladsye wat 116 verhale bevat en die aandag op mense en gebeure in die Bybel vestig. Vul net die bygaande koepon in en pos dit na die adres op die koepon of na die gepaste adres op bladsy 5 van hierdie tydskrif.

□ Lewer asseblief die boek My boek met Bybelverhale by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.