“Dit is presies wat ons nodig gehad het!”

Dit is wat ’n moeder in Italië gesê het toe sy die boek Leer by die Groot Onderwyser ontvang het. Sy het gesê: “Ek kon my trane nie keer nie.” Aangaande haar jong dogter het sy bygevoeg: “Sy kan nog nie lees nie, maar die prentjies help haar om die hoofpunte te onthou. Omdat die boek in die vorm van ’n gesprek met die leser geskryf is, luister sy baie mooi en praat sy dikwels saam. Dit is die beste geskenk wat ons ooit kon ontvang het.”

’n Vader in Italië het verduidelik dat hy en sy vrou gewonder het hoe hulle sake aangaande geslagsomgang aan hulle jong seun gaan verduidelik. “Toe hierdie nuwe publikasie vrygestel is”, het hulle gesê, “het ons gevoel dat God bewus is van ons bekommernisse. Nadat ons dit ondersoek het, het ons gevoel dat die boek ons seun baie sal aanmoedig om te peins en te redeneer.”

’n Jongmens in Japan, wat as kind gemolesteer is, het uit waardering vir die boek geskryf: “Ek het my oë uitgehuil en kon Jehovah net nie genoeg bedank nie. Hierdie boek bespreek presies waarvoor ons kinders in hierdie bose tyd te staan kan kom, op ’n openhartige wyse. Die vrae moedig ’n jong kind aan om sy gevoelens uit te druk. Wat ’n wonderlike voorsiening is hoofstuk 32 tog om kinders teen goddelose volwassenes te beskerm! My lewe sou dalk baie anders gewees het as ’n openhartige onderrigmiddel soos hierdie een 20 jaar gelede tot my beskikking was.”

Jy kan hierdie pragtig geïllustreerde boek met 256 bladsye wat dieselfde bladsygrootte as hierdie tydskrif is, aanvra. Vul eenvoudig die bygaande koepon in en pos dit na die adres op die koepon of na die gepaste adres op bladsy 5 van hierdie tydskrif.

□ Lewer asseblief hierdie boek by my af, sonder enige verpligting.

□ Tree asseblief met my in verbinding in verband met ’n gratis