Dit het gehelp met ’n klaspraatjie

’n Vakskool in Duitsland het ’n groot aantal buitelandse studente. Hulle kom van Frankryk, Georgië, Indië, die voormalige Joego-Slawië, Libanon, die Oekraïne, Pole, Rusland, Suid-Afrika en Viëtnam.

Een van die studente skryf: “Toe die geleentheid hom voordoen om ’n klaspraatjie te hou, het ek aangebied om dit te doen. Die onderwerp wat ek gekies het was: ‘Praktiese antwoorde op vrae wat jongmense vra’, gebaseer op die boek Vrae wat jongmense vra—Antwoorde wat werk. Die studente was beïndruk deur die onderwerpe wat die boek dek en die goeie wenke wat dit gee.

“Toe ek klaar is, het die studente hulle waardering getoon deur geesdriftig hande te klap. Aangesien hulle almal tale studeer en Engels goed verstaan, kon ek 30 Engelse eksemplare van die Jongmense vra-boek by hulle laat, en ek het ook vir die onderwyser ’n Duitse eksemplaar gegee.”

In die daaropvolgende dae het hierdie student haar besprekings met sommige van haar medestudente voortgesit, en hulle het belangstelling getoon. Sy het vir hulle nog Bybellektuur in Arabies, Bengali, Georgies, Pools, Russies, Spaans en Viëtnamees gegee.

Dalk weet jy van ’n jong persoon wat kan baat vind by die Jongmense vra-boek. Die 39 hoofstukke daarin sluit in: “Hoe kan ek ware vriende maak?”, “Wat van voorhuwelikse seks?” en “Hoe weet ek of dit ware liefde is?” Jy kan hierdie boek aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief hierdie boek by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.