‘Die beste boek oor die wêreld se godsdienste’
◼ ’n Hoërskoolonderwyseres in Kanada het voor die uitdaging te staan gekom om leerders te onderrig oor die opvattings van al die verskillende godsdienste wat in haar gebied beoefen word. Nadat sy die boek Die mensdom se soeke na God gelees het, het sy uitgeroep: “Dit is die beste boek wat ek nog oor die wêreld se godsdienste gelees het!” Sy was so beïndruk dat sy toestemming by die skoolraad gekry het om die boek in die klas te gebruik.
Die onderwyseres het aangebied om meer as 500 kilometer te ry om 40 eksemplare van die boek by die Kanadese takkantoor van Jehovah se Getuies te gaan haal. Die Getuies in haar omgewing het met graagte die boeke by haar afgelewer. ’n Aantal leerders in haar klas het die boek soveel geniet dat hulle vir hulle eie eksemplaar gevra het.
Jy sal moontlik ook vind dat hierdie boek jou sal help om die opvattings van mense in jou gemeenskap te verstaan. Dit verduidelik die oorsprong, geskiedenis en leringe van die vernaamste godsdienste van die wêreld—wat Hindoeïsme, Boeddhisme, Taoïsme, Confucianisme, Sjintoïsme, Judaïsme, die Islam en die Christelike godsdiens insluit.
Jy kan die boek met 384 bladsye en kleurvolle prente Die mensdom se soeke na God aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.
□ Lewer asseblief die boek Die mensdom se soeke na God by my af, sonder enige verpligting.
□ Tree asseblief met my in verbinding in verband met ’n gratis tuisbybelstudie.