Jesus het sy lewe gegee vir baie

Jesus Christus het vir sy volgelinge gesê dat hy aarde toe gekom het, “nie om gedien te word nie, maar om te dien en om sy siel te gee as ’n losprys in ruil vir baie” (Matteus 20:28). Hy het sy lewe gewillig afgelê tot voordeel van ander.

Hoe het Jesus, deur sy dood, ’n losprys voorsien? Waarom was dit nodig? Vir wie het Jesus sy lewe afgelê? En wat kan sy dood vir jou beteken?

Jehovah se Getuies nooi jou hartlik uit om saam met hulle te vergader om die Bybel se antwoorde op hierdie vrae te ondersoek. Vanjaar val die herdenking van Jesus se dood op Dinsdag 30 Maart, ná sononder. By hierdie geleentheid sal skriftuurlike antwoorde op die vrae hierbo gegee word.

Jy kan dit by die Koninkryksaal naaste aan jou bywoon. Vind asseblief by Jehovah se Getuies in jou omgewing uit presies hoe laat en waar die vergadering gehou sal word.