‘’n Kombinasie van diepte en eenvoud’

● Dit is hoe ’n leser in Nebraska, VSA, ’n boek beskryf het wat hy onlangs gelees het. Hy het geskryf: “Ek is ’n 56-jarige ongetroude man en ek het nou net die boek Leer by die Groot Onderwyser deurgelees. Ek het my onmiddellik verwonder aan die uitstekende kombinasie van diepte en eenvoud wat met ’n pen van liefde geskryf is.” Hy het bygevoeg: “Die prente is fantasties. As ek ’n pa of ’n oupa was, sou ek my kinders of kleinkinders gehelp het om net soveel tyd aan die prente te bestee as aan die teks.”

’n Vrou in Georgia, VSA, het aangaande dieselfde boek geskryf: “My sesjarige susterskind, Avery, wat in graad een is, het die boek skool toe geneem om dit vir haar klas te wys. Nadat Avery vir haar klas ’n storie gelees het, was haar onderwyseres so beïndruk dat sy vir Avery gevra het om elke dag ’n storie uit haar boek te lees.” Avery se tannie het bygevoeg: “Wat ’n goeie getuienis was dit tog vir haar klasmaats en haar onderwyseres!”

Jy kan hierdie pragtig geïllustreerde boek met 256 bladsye aanvra, wat dieselfde bladsygrootte as hierdie tydskrif het. Vul eenvoudig die bygaande koepon in en pos dit na die gepaste adres op bladsy 5 van hierdie tydskrif.

□ Lewer asseblief hierdie boek by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.

[Prent op bladsy 32]

Hoekom was die Samaritaan ’n goeie naaste?