Geestelikheid
Soos die eerste artikel van hierdie tydskrif gesê het, beskou baie mense die Bybel as ’n heilige boek. Wanneer hulle dit lees en die raad daarin toepas, voel hulle nader aan God en verstaan hulle wat hulle doel in die lewe is.
In die Bybel verwys die woord “geestelikheid” na ’n spesifieke gesindheid of lewenswyse (Judas 18, 19). Mense wat nie wil hê dat God hulle moet lei nie, volg net hulle eie kop, maar mense wat wil hê dat God hulle moet lei, is lief vir sy standaarde. – Efesiërs 5:1.
HOOP
WAT DIE BYBEL SÊ: “Was jy mismoedig in die dag van benoudheid? Jou krag sal gering [of min] wees.” – Spreuke 24:10.
WAT DIT BETEKEN: As ons mismoedig is, sal ons nie die krag hê wat ons nodig het om die lewe se probleme te hanteer nie. Maar hoop kan ons die moed gee om aan te gaan. Dit is goed om te besef dat die meeste van ons probleme maar net tydelik is. Om die waarheid te sê, iets goeds kan selfs daaruit kom.
WAT JY KAN DOEN: Probeer om positief te wees oor die toekoms. Werk hard om jou doelwitte te bereik. Moenie wag vir die perfekte omstandighede nie, en moenie stres oor wat miskien in die toekoms kan gebeur nie. Onverwagse dinge gebeur, maar dikwels draai dinge beter uit as wat ons verwag (Prediker 9:11). Hierdie punt word deur die volgende Bybelvers beklemtoon: “Saai jou saad in die oggend en laat jou hand tot die aand nie rus nie; want jy weet nie waar dit sukses sal behaal nie, hetsy hier of daar, en of hulle al twee ewe goed sal wees nie.” – Prediker 11:6.
ANTWOORDE OP DIE BELANGRIKE VRAE IN DIE LEWE
WAT DIE BYBEL SÊ: “Laat my verstaan. . . . U woord is waarheid.” – Psalm 119:144, 160.
WAT DIT BETEKEN: Die Bybel gee antwoorde op die vrae waaroor die meeste mense wonder, soos:
Waar kom ons vandaan?
Hoekom is ons hier?
Wat gebeur wanneer ons sterf?
Is hierdie lewe al wat daar is?
Miljoene mense regoor die wêreld het hulle lewens verbeter deur te kyk na wat die Bybel se antwoorde is op hierdie en nog baie ander vrae.
WAT JY KAN DOEN: Vind self uit wat die Bybel leer. Vra een van Jehovah se Getuies om jou te help om die Bybel te verstaan. Besoek ons webwerf, jw.org. Jy kan ook een van ons vergaderinge bywoon. Dit is gratis, en almal is welkom.
NOG RAAD UIT DIE BYBEL
Kyk die video Waarom moet jy die Bybel studeer? op jw.org. Dit is beskikbaar in meer as 880 tale
WEES BEWUS VAN DIE FEIT DAT JY GOD NODIG HET.
“Gelukkig is dié wat bewus is van hulle geestelike behoefte.” – MATTEUS 5:3.
LEER MEER OOR DIE GOD VAN DIE BYBEL.
‘Soek God . . . en vind hom werklik. Hy is eintlik nie ver van elkeen van ons af nie.’ – HANDELINGE 17:27.
LEES DIE BYBEL EN DINK DAAROOR NA.
“Sy behae is in die wet van Jehovah,a en in sy wet lees hy dag en nag. . . . Alles wat hy doen, sal suksesvol wees.” – PSALM 1:2, 3.
a Volgens die Bybel is God se naam Jehovah.