Miˬyehˇ˗euˬ gaˇ mˇ ngeh Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ zmˬ

Paˇ dmˬ hawˇ˗eu boˬloˬshaˬ yaw shuiꞈ jaˆ laˇ˗euˬ miˇ neh laˬ kʼaˬ cehˇ laˇ˗eu lehˇ miˇ˗a. Aˬ dui tsawˇ haˬ deuˬ˗ahˇ zaˬ lahˇ bi pyeuꞈ laˇ ni leh jeh˗awˇ mˇ˗eu gaˇ heu˗ahˇ Yeˬhawˇbaˬ guiˬ lahˬ bi biꞈ˗eu gʼaˇ duˬ, aˬ yawꞈ˗ahˇ guiˬ lahˬ shaˇ. (Maꞈtehˬ 28:18-20; 1 Gawˇliˬtu 3:6-9) Aˬ dui keu ka yaw shuiꞈ heu˗ahˇ aˬ joˆ˗ehˇ ya zmˬ˗eu nga?

Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ heu dmˬ˗euˬ, mehˬ jeˬ mehˬ kawˆ dzeuˇ yaꞈ ngeh loꞈ˗ehˇ maˬ paˇ duˇ leˇ˗euˬ miˇ neh, aˬ dui lehˬ hmˬ ngeh maˬ ehˇ, dzaw zaˬ˗ahˇ mehˬ˗iˇ ngeh maˬ ehˇ, heu loꞈ˗ehˇ mˇ caw.a

• Gaˇ kawˆ deuˬ˗ahˇ gui˗awˇ naˇ haˬ˗eu jeˬ˗ahˇ ja sawˇ

• Jaˇliꞈ bi “gui” tsahˇ gui˗awˇ, dzaw zaˬ deuˬ ya dzaw˗euˬ jeˬ˗ahˇ zmˬ˗iˇ nya ni caw ba

• Biˬdiˬoˬ pah˗awˇ naˇ haˬ˗eu jeˬ˗ahˇ ja sawˇ

• Dzaw deuˆ tiˬ kawˆ tiˬ poˆ laꞈ kʼoeˇ mehˬ jiˇ

Tsaꞈ gaˬ ngeh nymˇ sahˇ gʼaˬ nui ma ahˇ nga laˬ lehˇ siˬ nya˗eu gʼaˇ duˬ, boˬloˬshaˬ biꞈ nehˬ haw. (“Mawˇ dahˬ beh ngeh Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu boˬloˬshaˬ aˬ joˆ˗ehˇ biꞈ nya˗eu nga?” lehˇ ehˇ˗eu oeˬ coeˇ oeˬ bawˬ˗ahˇ haw.) Dzaw zaˬ gʼaˬ boˬloˬshaˬ dzaw jiˇ˗awˇ dzaw daˆ leꞈ mawꞈ naˇ, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ biꞈ nehˬ˗awˇ, dzaw deuˆ 4˗ahˇ neh dzaw tawꞈ leꞈ. Nawˇ dzaw zaˬ tiˬ gʼaˬ na˗ahˇ Jaˇliꞈ mehˬ˗eu paˇ dmˬ maˬ ngeuˇ naˇ Miˬyehˇ˗euˬ nui gaˬ laꞈ kʼoeˇ jawˇ ziꞈ lehˇ ehˇ˗eu paˇ dmˬ dzaw luꞈ naˇ, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ beˬ paˇ˗awˇ, aˬ geu kawˆ˗ahˇ neh mehˬ paˬ nga lehˇ haw.

Jaˇliꞈ dzaw˗eu gʼaˇ duˬ laˬ kʼaˬ tiˬ cehˇ ha geuꞈ ma lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Dzaw zaˬ deuˬ paˇ dmˬ yaw shuiꞈ heu dmˬ˗ahˇ neh aˬ jeˬ˗euˬ gaˇ kawˆ ya dzaw˗eu nga?

• Aˬ jeˬ miˇ neh dzaw zaˬ yaw shuiꞈ deuˬ˗ahˇ biˬdiˬoˬ heu hmˬ bi haw paˬ˗ehˇ gʼeh˗eu nga?

• Aˬ dui dzaw zaˬ gʼaˬ˗ahˇ aˬ jeˬ mˇ˗eu lehˇ bi noeˬ taˬ mawꞈ nya?—“Aˇ bymˇ aˬ yawꞈ bymˇ˗euˬ aˇ yeˇ huiˬ˗eu tsahˇ hawˇ˗eu dzaw zaˬ deuˬ mˇ nya˗eu jeˬ” lehˇ ehˇ˗eu oeˬ coeˇ oeˬ bawˬ˗ahˇ haw.