“Heu deuˬ naw maꞈ laꞈ kʼoeˇ bi ahˇ”

Aˬ jeˬ jeˇ ya bi ahˇ˗eu nga? Piˇliˇpiˆ 4:8-ahˇ yaw muiˬ jeˬ hawˇ˗eu ja ceuˬ paˬ˗ehˇ gʼeh˗eu jeˬ, tsaˬ˗eu dawˇ˗eu jeˬ, aˬ cawˬ yaw zeu baw paˬ˗ehˇ gʼeh˗eu jeˬ, aˬ cawˬ˗ahˇ dehꞈ tsaˬ dehꞈ tsahˇ˗eu jeˬ, muiˬ˗eu shawˇ˗eu jeˬ, aˬ cawˬ haw gaˬ paˬ˗ehˇ gʼeh˗eu jeˬ, aˬ cawˬ taˬ huiˬ taˬ mahˇ paˬ˗ehˇ gʼeh˗eu jeˬ, heu deuˬ˗ahˇ shaˇ noeˬ lehˇ ehˇ˗eu meh. Heu naˇ Ka li zaˬ deuˬ aˬ myah luꞈ Jaˇliꞈ gaˇ kawˆ˗ahˇ tehꞈ˗ehˇ ya shaˇ noeˬ gaˇ ehˇ mawꞈ˗eu maˬ ngeuˇ˗a. Ehˇ kʼawꞈ aˬ dui shaˇ noeˬ˗eu jeˬ naˇ, Miˬyehˇ˗ahˇ saˇ jaˇ ziꞈ˗eu bi shaˬ laˇ paˬ˗ehˇ gʼeh˗eu jeˬ maˬ ngeuˇ˗eu, aˬ yawꞈ nui kʼahˇ shiˇ˗eu jeˬ ya bi pyeuꞈ meh.—Ja ceuˬ 19:14.

Maˬ muiˬ maˬ jaˬ˗eu nui noeˬ˗ahˇ yahˇ˗eu yaw awˬ maˬ ngeuˇ˗a. Aˬ jeˬ miˇ neh ehˇ naˇ, aˬ dui yawˬ ha maˬ byah kuꞈ˗eu jeˬ nehˬ˗ehˇ ya deuˆ ceh ceh˗eu uˬ taꞈ, “miˇ tsaˬ heu˗ahˇ uˆ lahˇ luꞈ˗eu miˬ yehˇ pyeuꞈ˗eu nehꞈ Saˬdaˬ” nehˬ˗ehˇ jiˇ ya deuˆ ceh ceh˗eu miˇ neh meh. (2 Gawˇliˬtu 4:4) Saˬdaˬ miˇ tsaˬ kʼoeˇ taˆ jaˆ˗eu jeˬ˗ahˇ uˆ lahˇ luꞈ˗eu miˇ neh, tiˬbiˬ hawˇ˗eu mawˇkawˇ maˬ ehˇ, iˇteuꞈnehꞈ hawˇ˗eu paˇ dmˬ deuˬ maˬ ehˇ, heu deuˬ˗ahˇ neh doˆ le˗eu jeˬ myaˬ tiˬ paˆ maˬ muiˬ maˬ shawˇ˗eu jeˬ pyeuꞈ meh. Teu miˇ neh, aˬ dui nui ma laꞈ kʼoeˇ dawˆ ahˇ˗eu jeˬ˗ahˇ maˬ tseˇ naˇ, aˬ dui˗euˬ nui noeˬ hawˇ˗eu mˇ jeˬ mˇ kawˆ˗ahˇ deuˬ laˇ nya˗eu meh.—Yaˬkoˆ 1:14, 15.

Saˇ jaˇ ziꞈ˗eu jeˬ˗ahˇ laˆ cawˆ laˇ˗eu jeˬ˗ahˇ yahˇ—Maˬ muiˬ˗eu byawˬ gʼa mo gʼa˗eu jeˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Mehˇ nmˇ zaˬ yo aˬ li tiˬ gʼaˬ naˬ gaˬ laꞈ kʼoeˇ aˬ jeˬ haw˗euˬ nga, teu aˬ yawꞈ˗ahˇ aˬ joˆ˗ehˇ deuˬ˗eu nga?

• 

  Gaˬlaˬtiˆ 6:7, 8 hawˇ˗eu Ja ceuˬ 119:37, aˬ yawꞈ˗ahˇ aˬ joˆ˗ehˇ caw ba˗euˬ nga?