Nawˇ Yeˬhawˇbaˬ˗euˬ Saˇ kiˇ aˇ myaˆ gʼaˬ˗ahˇ siˬ nya le? Nga maꞈ tiˬ deuˬ na˗aˬ, nawˬ nehˬ˗ehˇ nymˇ kaˬ taꞈ˗eu, nawˬ nehˬ˗ehˇ mˇ myawˬ mˇ˗awˇ, sahˬ boꞈ tiˬ kawˆ loꞈ˗ehˇ dzaw˗eu deuˬ kʼawꞈ pyeuꞈ nya meh. Maˬ ngeuˇ naˇ nawˬ nehˬ˗ehˇ Jaˇliꞈ ja sawˇ luꞈ˗eu gʼaˬ kʼawꞈ pyeuꞈ nya meh. Nga maꞈ aˬ suˇ gʼaˬ nga? Aˬ jeˬ miˇ neh nga maꞈ jah˗eu jeˬ, miˇ kʼahˬ zaˬ˗ahˇ tsaꞈ gaˬ luꞈ nga?

Nga maꞈ kʼawꞈ, aˬ cawˬ loꞈ˗ehˇ tehꞈ ma. Nga maꞈ naˇ, dehꞈ jeˬ dehꞈ kawˆ hawˇ˗eu dehꞈ˗eu aˇ tiˆ kʼawꞈ maˬ duˇ leˇ˗eu laꞈ kʼoeˇ neh doˆ laˇ taˬ˗euˬ ma. Tiˬ deuˬ na zahˇ beu gaˇ˗awˇ, tiˬ deuˬ na Miˬyehˇ maˬ jawˇ˗a lehˇ kʼawꞈ jah haw˗euˬ meh. Aˬ jeˬ lehˇ gʼeh kʼawꞈ, nga maꞈ yawˬ gʼaˬ na luꞈ Yeˬhawˇbaˬ˗euˬ Saˇ kiˇ maˬ pyeuꞈ laˇ mi na˗ehˇ, Jaˇliꞈ˗euˬ gaˇ kawˆ˗ahˇ pyehˆ tseˇ˗eu gʼaˇ duˬ, aˇ yamˬ gʼawˬ mya ni zmˬ˗euˬ ma. (Gʼaˬkʼehˇ 17:11) Ya siˬ nya˗euˬ jeˬ nga maꞈ˗euˬ nui ma˗ahˇ tsaˬ˗eu miˇ neh, Yeˬhawˇbaˬ Miˬyehˇ˗ahˇ uˬ duˬ tahˬ˗eu gʼaˇ duˬ, yawˬ ha˗euˬ nui ma neh tseˇ geuꞈ˗euˬ ma.

Jaˇliꞈ dzaw gaˇ neh, gaˇ dahˇ tsoeˬ˗eu jeˬ˗ahˇ za˗euˬ deuˬ pyeuꞈ ma. Aˬ cawˬ loꞈ˗ehˇ duˇ ni nga maꞈ kʼawꞈ, yawˬ ha laꞈ kʼoeˇ gʼaˬ baˬ˗eu jeˬ hawˇ˗eu shaˬ˗eu zahˬ˗eu jeˬ˗ahˇ ya tahˬ puˬ luꞈ˗eu maˬ. Ehˇ kʼawꞈ ni, nga maꞈ yawˬ nah na luꞈ Jaˇliꞈ zahˇ˗ahˇ zmˬ˗eu miˇ neh, nga maꞈ˗euˬ dehꞈ jeˬ dehꞈ kawˆ tiˬ nah saˇ˗i tiˬ nah muiˬ daˆ laˇ˗euˬ meh. (Ja ceuˬ 128:1, 2) Teu miˇ neh, nga maꞈ neh ya siˬ nya˗euˬ Jaˇliꞈ laꞈ kʼoeˇ˗euˬ muiˬ˗eu gaˇ kawˆ heu deuˬ˗ahˇ, yawˬ gʼaˬ na luꞈ siˬ nya laˇ ni tsaꞈ gaˬ nehˬ luꞈ˗eu ma.

Nga maꞈ Jaˇliꞈ zahˇ˗ahˇ gʼoe˗awˇ neh dehꞈ˗eu ma. Jaˇliꞈ zahˇ heu naˇ, nga maꞈ˗ahˇ nui saˇ biꞈ˗awˇ, aˬ cawˬ˗ahˇ yaw zeu baw ni maˬ ehˇ, gʼawˬ shaˬ gaˬ˗awˇ yaw dawˇ dawˇ˗ehˇ dehꞈ ni maˬ ehˇ, caw ba nehˬ laꞈ˗eu meh. Kʼoeˇ naˇ, aˬ cawˬ nehˬ˗ehˇ tsaˬ leˇ˗awˇ nymˇ jiˇ laꞈ kʼoeˇ mehˬ bawˬ gm ni maˬ ehˇ, paˇ caw ba nehˬ laꞈ˗eu meh. “Miˬyehˇ myaˆ pyawˬ huiˬ nyiˇ maˬ tseˇ”˗a lehˇ nga maꞈ jah˗eu ma. Kʼoeˇ miˇ neh, nga maꞈ yawˬ kʼahˬ na luꞈ taꞈ˗eu saꞈ laˇ paw˗euˬ mehˇ nmˇ pyeuꞈ ma. Tsawˇ jeuˬ maˬ biˇ paˆ, miˬ beuˆ mi cehˇ maˬ nyehꞈ tehˬ. Nga maꞈ aˬ cawˬ loꞈ˗ehˇ tsawˇ myahˇ maˬ doˆ kʼawꞈ, laˆ uiˬ leꞈ ngeh jawˇ, zahˬ leˇ paˬ˗ehˇ aˬ cawˬ nehˬ˗ehˇ beu gaˇ˗eu deuˬ pyeuꞈ ma.—Gʼaˬkʼehˇ 4:13; 10:34, 35.

• Yeˬhawˇbaˬ˗euˬ Saˇ kiˇ deuˬ aˬ cawˬ nehˬ˗ehˇ, aˬ geu tsahˇ duˇ leˇ˗eu nga?

• Yeˬhawˇbaˬ˗euˬ Saˇ kiˇ deuˬ, Jaˇliꞈ dzaw˗eu baˬ da neh aˬ jeˬ za˗eu nga?

Yeˬhawˇbaˬ˗euˬ Saˇ kiˇ lehˇ ehˇ˗eu heu naˇ, zahˇ yaw shuiꞈ˗euˬ tsawˇ myahˇ nya lehˇ, tsawˇ haˬ zaˬ myaˬ tiˬ paˆ noeˬ˗eu meh. Dzeuˇ yaꞈ˗euˬ 2,700 kʼoꞈ˗ahˇ, aˬ diˇ aˬ maˇ pyeuꞈ˗eu Miˬyehˇ˗euˬ gʼaˬ kʼehˇ deuˬ˗ahˇ, Miˬyehˇ˗euˬ “saˇ kiˇ” lehˇ kuˇ eu meh. (Iˇsaˬyaˇ 43:10-12) 1931 kʼoꞈ˗ahˇ keuˆ ni, nga maꞈ˗ahˇ Jaˇliꞈ Dzaw zaˬ deuˬ lehˇ, tsawˇ haˬ zaˬ deuˬ siˬ nya yaꞈ˗euˬ meh. Yeˬhawˇbaˬ˗euˬ Saˇ kiˇ lehˇ kuˇ˗eu tsawˇ myahˇ heu hmˬ˗ahˇ, aˬ jeˬ miˇ neh ha geuꞈ˗euˬ nga?

Yeˬhawˇbaˬ, nga maꞈ Miˬyehˇ˗euˬ tsawˇ myahˇ pyeuꞈ meh. Gaˇ hu˗euˬ Jaˇliꞈ yaw oeˇ laꞈ kʼoeˇ, Yeˬhawˇbaˬ lehˇ kuˇ˗eu Miˬyehˇ˗euˬ tsawˇ myahˇ heu hmˬ 7,000 poˆ dawˬ peh ahˇ˗eu meh. Jaˇliꞈ˗ahˇ dawˬ yuˇ paˇ˗euˬ deuˬ Miˬyehˇ˗euˬ tsawˇ myahˇ yuˇ doˆ˗awˇ, Sahˬpaˬ maˬ ngeuˇ naˇ, Miˬyehˇ lehˇ dawˆ ahˇ˗euˬ meh. Miˬyehˇ Moˇseˬ˗ahˇ ehˇ nehˬ˗euˬ, ngaˬ˗euˬ tsawˇ myahˇ˗aˬ, Yeˬhawˇbaˬ lehˇ kuˇ ma. Tsawˇ myahˇ “heu˗aˬ, mˬ maˬ maˬ byaˆ zaˇ ziˇ ngaˬ˗euˬ tsawˇ myahˇ pyeuꞈ˗eu ma.” (Doˆ˗iˇ˗eu 3:15) Heu naˇ, Miˬyehˇ nui deuˬ nehˬ˗ehˇ maˬ duˇ leˇ˗eu lehˇ mawˇ shawˇ laˇ˗eu meh. Nga maꞈ muiˬ˗eu shawˇ˗eu Miˬyehˇ˗euˬ tsawˇ myahˇ˗ahˇ ya ha geuꞈ˗euˬ miˇ neh, nui kʼahˇ shiˇ dui dui miˇ˗a.

Tsawˇ myahˇ heu hmˬ, nga maꞈ ya mˇ˗eu gaˇ deuˬ˗ahˇ, pah mehˬ nehˬ˗eu meh. Yaw tsaˬ yaw dawˇ pyeuꞈ˗eu, Aˬbeˬlaˆ˗ahˇ neh dahˬ beh˗awˇ, gaˇ hu ba˗euˬ tsawˇ haˬ yaw myaˬ gʼaˬ, Yeˬhawˇbaˬ˗ahˇ jah˗eu gaˇ kawˆ saˇ kiˇ kamˬ˗euˬ meh. Yaw myaˬ ziˇ laꞈ kʼoeˇ, Noˇaˬ, Aˬbyaˬhaˬ, Saˬlaˇ, Moˇseˬ, Daˬbiˇ hawˇ˗eu nui deuˬ kʼawꞈ, “saˇ kiˇ kamˬ˗eu tsawˇ haˬ . . . gʼawˬ mya” laꞈ kʼoeˇ ahˇ˗eu meh. (Heˬbyehˇ 11:4–12:1) Iˬ baˇ maˬ ahˇ˗eu tsawˇ haˬ˗euˬ gʼaˇ duˬ, saˇ naˇ mehˬ shi saˇ kiˇ geuꞈ nehˬ mawꞈ˗eu loꞈ˗ehˇ, Miˬyehˇ˗euˬ yaw tsaˬ yaw dawˇ jeˬ˗ahˇ kʼawꞈ, tsawˇ haˬ zaˬ deuˬ siˬ nya laˇ ni, saˇ kiˇ kamˬ nehˬ mawꞈ˗eu ma.

Nga maꞈ Yeˬsuˇ˗ahˇ dzaw geuꞈ˗eu ma. Jaˇliꞈ laꞈ kʼoeˇ Yeˬsuˇ˗ahˇ “saˇ jaˇ ziꞈ˗eu laꞈ kʼoeˇ dawˇ coe ni saˇ kiˇ kamˬ˗eu gʼaˬ” lehˇ kuˇ˗euˬ meh. (Pah mehˬ˗eu 3:14) ‘Miˬyehˇ˗euˬ tsawˇ myahˇ bi siˬ˗awˇ,’ Miˬyehˇ˗euˬ “yaw tsaˬ yaw dawˇ jeˬ˗euˬ gaˇ kawˆ saˇ kiˇ kamˬ” ma lehˇ Yeˬsuˇ ehˇ˗eu meh. (Yoˇhaˬ 17:26; 18:37) Kʼoeˇ miˇ neh Yeˬsuˇ˗euˬ gʼaˬ kʼehˇ maˇ diˇ deuˬ naˇ, Yeˬhawˇbaˬ˗euˬ tsawˇ myahˇ˗ahˇ ha geuꞈ˗awˇ, tsawˇ myahˇ heu hmˬ˗ahˇ, tsawˇ haˬ zaˬ deuˬ siˬ nya laˇ ni ya mˇ˗eu meh. Gaˇ heu hmˬ˗ahˇ, nymˇ Yeˬhawˇbaˬ˗euˬ Saˇ kiˇ deuˬ leh jeh˗awˇ mˇ luꞈ ma.

• Jaˇliꞈ dzaw zaˬ deuˬ, aˬ jeˬ miˇ neh Yeˬhawˇbaˬ˗euˬ Saˇ kiˇ lehˇ kuˇ˗eu tsawˇ myahˇ heu hmˬ˗ahˇ, ha geuꞈ˗euˬ nga?

• Yeˬhawˇbaˬ˗euˬ gʼaˇ duˬ saˇ kiˇ kamˬ nehˬ˗eu deuˬ, miˇ tsaˬ kʼoeˇ taˆ jawˇ luꞈ˗eu aˇ myah ni myahˇ laˇ˗euˬ nga?

• Yeˬhawˇbaˬ˗euˬ gʼaˇ duˬ, Saˇ kiˇ kamˬ gaˇ neh huiˬ dzehˬ˗eu aˬ suˇ gʼaˬ nga?

Yeˬsuˇ shiˇ dzeuˇ naˇ, Ka li zaˬ aˇ maꞈ laꞈ kʼoeˇ neh, mehˬ bahˬ˗eu deuˬ doˆ laˇ meh lehˇ, Jaˇliꞈ laꞈ kʼoeˇ maˬ keuˆ laˇ mi na˗ehˇ ehˇ taˬ˗euˬ meh. (Gʼaˬkʼehˇ 20:29, 30) Gaˇ kawˆ heu ehˇ taˬ˗euˬ loꞈ˗ehˇ pyeuꞈ laˇ˗euˬ meh. Mehˬ bahˬ˗eu deuˬ naˇ, Yeˬsuˇ neh mehˬ˗euˬ loꞈ˗ehˇ maˬ mehˬ ni, laꞈ nyiˇ paw˗euˬ zahˇ jiˇ mehˬ keuˬ˗eu miˇ neh, Ka li zaˬ aˇ kʼawꞈ lehˇ doˆ laˇ˗euˬ meh. (2 Tiˆmoˇseˬ 4:3, 4) Nymˇ iˬ nah Jaˇliꞈ maˇ maˇ ni mehˬ˗eu jeˬ˗ahˇ, nga maꞈ gʼoˆ shaw taˬ maˬ lehˇ, aˬ joˆ˗ehˇ jahˇ neh siˬ duˬ˗eu nga?

Yaw tsaˬ yaw dawˇ jeˬ˗ahˇ, Yeˬhawˇbaˬ pah mehˬ nehˬ˗eu aˇ yamˬ tsaˬ laˇ˗euˬ meh. “Aˇ saˬ saˬ˗eu aˇ yamˬ˗ahˇ, maˇ maˇ ni gʼeh˗eu nui gahˇ byah laˇ tehꞈ˗a” lehˇ, Miˬyehˇ maˬ keuˆ laˇ mi na˗ehˇ ehˇ taˬ˗euˬ meh. (Daˬyeˬlaˇ 12:4 Miˇ shuiꞈ Dawˬ paˇ Jaˇliꞈ) 1870 kʼoꞈ˗ahˇ yaw tsaˬ yaw dawˇ jeˬ˗ahˇ poˆ tseˇ˗eu aˇ muˇ muˇ zaˬ tiˬ muˇ, uˬ duˬ tahˬ nymˇ yaw myaˬ gaˇ mehˬ luꞈ˗eu jeˬ, Jaˇliꞈ nehˬ˗ehˇ maˬ tsaˬ gaˇ ya mawˇ˗euˬ meh. Kʼoeˇ miˇ neh, Jaˇliꞈ maˇ maˇ ni mehˬ˗eu jeˬ˗ahˇ gʼoˆ shaw nya˗eu gʼaˇ duˬ, aˬ yawꞈ maꞈ dahˬ beh˗awˇ poˆ tseˇ˗euˬ meh. Yeˬhawˇbaˬ kʼawꞈ, aˬ yawꞈ maꞈ˗ahˇ guiˬ lahˬ biꞈ nehˬ˗euˬ meh.

Nui ma yaw dawˇ deuˬ, Jaˇliꞈ˗ahˇ yaw duˬ duˬ˗ehˇ pyehˆ tseˇ˗euˬ meh. Gaˇ hu˗euˬ Jaˇliꞈ Dzaw zaˬ deuˬ neh zmˬ yaꞈ˗euˬ, pyehˆ tseˇ jeˬ pyehˆ tseˇ kawˆ˗ahˇ, iˬ nah keuˆ ni nga maꞈ zmˬ luꞈ ma. Aˬ yawꞈ maꞈ Jaˇliꞈ˗euˬ gaˇ kawˆ, aˬ yawꞈ kawˆ aˬ yawꞈ˗ehˇ ja sawˇ˗euˬ meh. Gʼoˆ shaw˗eu yaw shaˬ tsahˇ˗ahˇ tahˬ puˬ ngeh jawˇ, yawˬ deuˆ yawˬ˗ahˇ haw iˇ˗awˇ tsaˬ leˇ naˇ boꞈ doˆ taˬ˗eu meh. Kʼoeˇ naˇ, Jaˇliꞈ aˬ yawꞈ neh paˇ pah mehˬ nehˬ laꞈ˗euˬ miˇ neh, Miˬyehˇ˗euˬ tsawˇ myahˇ hawˇ˗eu Miˬyehˇ Miˇ kʼahˬ gaˇ kawˆ, tsawˇ haˬ zaˬ nehˬ˗ehˇ taꞈ leˇ˗awˇ Miˬyehˇ neh noeˬ taˬ˗euˬ jeˬ, shiˇ dzeuˇ˗euˬ deuˬ˗euˬ gaˇ kawˆ hawˇ˗eu gʼoꞈ dehꞈ laˇ˗eu deuˬ˗euˬ gaˇ kawˆ, heu deuˬ nehˬ˗ehˇ taꞈ leˇ˗eu yaw tsaˬ yaw dawˇ jeˬ˗ahˇ, paˇ ya siˬ nya˗euˬ meh. Aˬ yawꞈ maꞈ neh poˆ tseˇ˗euˬ baˬ da neh, maˬ tsaˬ˗eu zahˇ hawˇ˗eu maˬ tsaˬ˗eu mˇ jeˬ shaˇ kawˆ deuˬ˗ahˇ neh doˆ laˇ nya˗euˬ ma.—Yoˇhaˬ 8:31, 32.

1879 kʼoꞈ˗ahˇ Jaˇliꞈ Dzaw zaˬ deuˬ, tsawˇ haˬ zaˬ˗ahˇ, yaw tsaˬ yaw dawˇ bi siˬ˗eu aˇ yamˬ tsaˬ laˇ ngaˇ lehˇ gʼoˆ shaw˗euˬ meh. Kʼoeˇ ngeh kʼoꞈ˗ahˇ neh naˇ, Loꞈ˗eu nymˇgoˇ Yeˬhawˇbaˬ˗euˬ Miˇ kʼahˬ gaˇ kawˆ tsaꞈ gaˬ˗eu paˇ dmˬ jahˇ doˆ˗euˬ meh. Iˬ nah keuˆ ni jahˇ doˆ luꞈ ma. Nymˇ iˬ nah Jaˇliꞈ˗euˬ yaw tsaˬ yaw dawˇ, miˇ kʼahˬ 240 kʼahˬ˗ahˇ iˇ keuˆ taˬ˗awˇ, tsawˇ jeuˬ˗euˬ dawˬ 750 jeˬ dzehˬ ni biˇ kʼawˬ luꞈ ma. Maˇ maˇ ni gʼeh˗eu zaˬ siˬ nui gahˇ, miˇ tsaˬ kʼoeˇ taˆ nymˇ poˆ loꞈ˗ehˇ, tiˬ jawˇ˗iˬ maˬ jaˆ byah laˇ haw˗aˬ.

• Yeˬsuˇ shiˇ dzeuˇ naˇ, Jaˇliꞈ˗euˬ yaw tsaˬ yaw dawˇ, aˬ jeˬ pyeuꞈ iˇ˗euˬ nga?

• Jaˇliꞈ˗euˬ yaw tsaˬ yaw dawˇ, aˬ joˆ˗ehˇ paˇ poˆ mawˇ kʼoꞈ˗euˬ nga?

Yeˬhawˇbaˬ˗euˬ Saˇ kiˇ deuˬ, Jaˇliꞈ paˇ dmˬ yaw myaˬ jeˬ˗ahˇ, gʼawˬ mya kʼoꞈ zmˬ˗awˇ neh aˬ cawˬ˗ahˇ kʼawꞈ biˇ kʼawˬ nehˬ˗euˬ ma. Ehˇ kʼawꞈ myahˇ laˇ ngeh jawˇ, “[‘aˬ diˇ aˬ maˇ,’ MS] yaw tsaˬ yaw dawˇ jeˬ˗ahˇ” tsawˇ haˬ zaˬ deuˬ bi siˬ nya˗eu gʼaˇ duˬ, Jaˇliꞈ yaw shuiꞈ yuˇ doˆ˗eu loˬ nga lehˇ haw siˬ˗euˬ ma. Heu˗aˬ, yawˬ gʼaˬ na luꞈ˗euˬ gʼaˇ duˬ, Miˬyehˇ neh noeˬ taˬ˗euˬ jeˬ pyeuꞈ meh. (1 Tiˆmoˇseˬ 2:3, 4) Kʼoeˇ miˇ neh 1950 kʼoꞈ˗ahˇ neh dahˬ beh˗awˇ, nymˇ saˇ ka˗ahˇ zmˬ˗eu dawˬ deuˬ neh, Miˇ Shuiꞈ Dawˬ paˇ Jaˇliꞈ yuˇ doˆ˗euˬ ma. Jaˇliꞈ heu dmˬ tsawˇ jeuˬ˗euˬ dawˬ 130 jeˬ dzehˬ ni, yaw duˬ duˬ lehˇ paˇ yuˇ doˆ kʼoꞈ taˬ˗euˬ ma.

Yaw awˬ awˬ˗ehˇ gʼoˆ shaw nya˗eu Jaˇliꞈ loˬ˗eu meh. Saˇ ka paˇ laˇ˗eu loꞈ˗ehˇ, dawˬ deuˬ kʼawꞈ paˇ laˇ˗euˬ meh. Jaˇliꞈ myaˬ tiˬ paˆ nymˇ saˇ ka˗ahˇ maˬ zmˬ˗eu gaˇ hu˗euˬ dawˬ oeˇ deuˬ neh boꞈ taˬ˗euˬ miˇ neh, gʼoˆ shaw˗eu yaw shaˬ meh. Kʼoeˇ tehꞈ˗ehˇ maˬ gʼaˬ ni, aˇ dahˬ beh˗euˬ Jaˇliꞈ yaw oeˇ dmˬ nehˬ˗ehˇ duˇ leˇ˗eu laꞈ zaˇ˗ahˇ paˇ poˆ mawˇ˗euˬ miˇ neh, Heˬbyehˇ dawˬ, Aˬlaˬmaˬya dawˬ, Heˬlaˬsaˇ (Gaˬ˗liˇ) dawˬ heu deuˬ˗ahˇ, paˇ gʼoˆ shaw dzehˬ laˇ˗euˬ meh.

Miˬyehˇ˗euˬ dawˬ˗ahˇ dawˇ coe ni yuˇ doˆ˗eu loˬ meh. Jaˇliꞈ dawˬ yuˇ paˇ˗eu deuˬ, Miˬyehˇ neh bi noeˬ doˆ˗awˇ boꞈ taˬ˗euˬ Jaˇliꞈ dawˬ kawˬ˗ahˇ, maˬ laˆ paˇ ni aˬ yawꞈ yaw oeˇ loꞈ˗ehˇ dawˇ coe ni yuˇ paˇ˗eu tsaˬ meh. Ehˇ kʼawꞈ, dawˬ yuˇ paˇ taˬ˗euˬ Jaˇliꞈ myaˬ tiˬ paˆ, Yeˬhawˇbaˬ lehˇ kuˇ˗eu Miˬyehˇ˗euˬ tsawˇ myahˇ heu hmˬ˗ahˇ, yuˇ doˆ dzeh taˬ˗euˬ meh.

Noeˬ doˆ˗euˬ yaw sahˇ gʼaˬ˗ahˇ, ciˬ huiˬ ciˬ mahˇ˗eu Jaˇliꞈ loˬ meh. (2 Saˬmeuˬlaˆ 23:2) Miˇ Shuiꞈ Dawˬ paˇ Jaˇliꞈ laꞈ kʼoeˇ, Yeˬhawˇbaˬ Miˬyehˇ˗euˬ tsawˇ myahˇ 7,000 poˆ aˬ yawꞈ yaw oeˇ loꞈ˗ehˇ, dawˆ ahˇ kʼoꞈ taˬ˗euˬ ma. Oeˇ dzehˬ dzehˬ˗eu Jaˇliꞈ paˇ dmˬ, laꞈ oˆ paw jaˆ˗eu aˇ baˇ. (Doˆ˗iˇ˗eu 4:13) Aˇ kʼoꞈ aˇ la˗ahˇ neh leh jeh dui dui˗awˇ, poˆ tseˇ doˆ taˬ˗euˬ Jaˇliꞈ paˇ dmˬ heu hmˬ naˇ, Miˬyehˇ˗euˬ nui noeˬ nui duˇ˗ahˇ shawˇ jehˆ ni bi mawˇ shawˇ laˇ˗awˇ, gui˗eu kʼawꞈ yaw˗awˬ meh. Yawˬ ha˗euˬ tsawˇ jeuˬ dawˬ neh boꞈ doˆ taˬ˗euˬ, Miˇ Shuiꞈ Dawˬ paˇ Jaˇliꞈ maˬ jaˆ kʼawꞈ ni, Yeˬhawˇbaˬ˗euˬ dawˬ kawˬ˗ahˇ, yawˬ nah na luꞈ leh jeh˗awˇ gui˗awˬ lehˇ gʼaˬ biꞈ˗eu ma.—Yawˇshuˆ 1:8; Ja ceuˬ 1:2, 3.

• Miˇ shuiꞈ dawˬ paˇ Jaˇliꞈ˗ahˇ jahˇ doˆ˗eu gʼaˇ duˬ, nga maꞈ aˬ jeˬ miˇ neh noeˬ tsehˆ˗euˬ nga?

• Miˬyehˇ˗euˬ nui noeˬ˗ahˇ siˬ nya˗eu gʼaˇ duˬ yawˬ nah na luꞈ, aˬ jeˬ ya jahˇ˗eu nga?