Enyɔ lɔwo le sɔ pɛpɛpɛ yí kankandoji le nɔ wo nu

Luiki 1:3

SUSU VEVI LƆ: Zan enyɔsoxu ciwo nu kankandoji le asɔ kpedo ao nyɔsetɔwo nu nɔ gɔnmɛsese nywitɔ asun wo shi.

LÉ ÀWƐ DO:

• Zan enyɔsoxu ciwo nu kankandoji le. Cu ao nyɔwo do Mawu Nyɔ lɔ ji yí nɔ nɔnɔmɛ lɔ ɖe mɔɔ, hlin le mɛ tiin. Gbɔxwe àxo nuxu so jɔjɔmɛnununya, enujɔjɔ wemawo, enutɔxukpɔkpɔ ɖe alo enujɔjɔ bu ɖe nuɔ, ji gɔnmɛ kpɔ ni mɔ kankandoji le yi soxu nu yí afixɔxɔ kpɔtɔ le nu.

• Zan enyɔsoxu lɔwo nywiɖe. Ðe kpukpui lɔ mɛ nɔ asɔ koɖo enyɔ ciwo yí trɔdi, le sɔ koɖo Bibla nyɔta lɔ yí agbesɔ koɖo “hwashi egbejinɔtɔ koɖo ŋɖɛnyatɔ lɔ” wemawo. (Mt. 24:​45, nwt) To akpo nɔ Biblaɔ, àtɛnŋ azan enyɔsoxu buwo, vɔ ŋgbetrɔ ashi le gɔnmɛsese ŋkɔtɔ ci yí le enyɔ lɔ nu o yí ŋgbenu enyɔ ci yí ato akpo nɔ wemaŋwlɛntɔ lɔ susu o.

• Kpedo ao nyɔsetɔwo nu nɔ woabu tamɛ kpɔ. Nɔ èhlɛn kpukpui ɖe alo èyɔ nyɔ so wema bu ɖe mɛɔ, sɔ ayexa wa nyɔbiɔsewo alo wa kpɔwɛ ɖe yí asɔ kpedo ao nyɔsetɔwo nu nɔ gɔnmɛsese nywitɔ asun wo shi.