ENUKPLAKPLA 21
Lé wole eŋɛnywi lɔ drakɔ doɔ?
Sabaɖe yɛɔ, Yehowa ato yi Fyɔɖuxu lɔ ji yí aɖe mìwo cukaɖawo pleŋ swi nɔ mì. Eŋɛnywi cɛ nyɔ sugbɔ yí ele mɔ mɛshiamɛ anya nu so nu. Yesu ji mɔ ye dokplɔtɔwo le ma eŋɛnywi cɛ nɔ mɛshiamɛ! (Matie 28:19, 20) Lé Yehowa Kunuɖetɔwo wawa edɔ ci Yesu dɔ doɔ?
1.Lé Matie 24:14 mɛ nyɔwo jɔjɔ do le egbɛ mɛɔ?
Yesu nu ɖɛ mɔ: “Wo a dra Mawu fyɔju ŋɛnywi lɔ le xexe lɔ pleŋ mɛ yi a sɔ ɖe kunu nɔ jukɔn lɔwo pleŋ.” (Matie 24:14) Yehowa Kunuɖetɔwo sɔ jijɔ wakɔ dɔ vevi cɛ. Mìdrakɔ eŋɛnywi lɔ do egbe ciwo yí wu 1 000 mɛ le xexeɛ pleŋ mɛ! Ele mɔ woado vevi nu gbɔxwe yí awa dɔ gangan kpligidi cɛ yí agbewa toto so nu. Edɔ lɔ dasɛnŋ anyi wawa nɔ Yehowa tɔ dɛn le mɛ o.
2.Egbla ciwo mìdonɔ gbɔxwe yí ɖenɔ kunu nɔ amɛwoɔ?
Mìɖenɔ kunu le fiɖekpokpui ci mìatɛnŋ akpɔ amɛwo le. Mìɖenɔ kunu toto “axwewomɛ” shigbe lé exwe sanŋdi ŋkɔtɔ mɛ Kristotɔwo wɛ vayi nɛ. (Edɔwawawo 5:42) Ci mìwɛni ahan ɔ, edɔ yí mìsun ji yí xonɔ nuxu nɔ amɛ miliɔn nɛniɖe xweshiaxwe. Ci amɛwo denɔnɔ axomɛ gashiagamɛɔ, mìɖenɔ kunu le jugbaja tɔxu sugbɔwo. Mìjinɔ emɔ ciwo ji mìato duu yí axo nuxu so Yehowa nu nɔ amɛwo yí agbenu susu ciwo yí eɖo do agbetɔviwo nu nɔ wo.
3.Miwo ji edɔ le mɔ wowo yí adra eŋɛnywi lɔɔ?
Ele mɔ Kristotɔ adodwiwo pleŋ adra Fyɔɖuxu ŋɛnywi lɔ nɔ amɛwo. Mìdesɔ edɔ cɛ ci yí kpɔ ŋmɛ nɔ mì munɔ munu o. Mìje agbla yí ɖenɔ kunu lé mìakpe ji do, ɖo mìnya mɔ eyi ahwlɛn amɛwo gan. (Hlɛn 1 Timɔte 4:16.) Mìdexɔnɔ ho nɔ dɔ cɛ wawa o, ɖo Bibla nu mɔ: ‘Ehomana yí míxɔɛ, mísɔ na amɛwo gbali.’ (Matie 10:7, 8) Denyi mɛshiamɛ yí lɔn ɖonɔ to mìwo ŋɛdu lɔ o. Gan mìkpɔtɔ drɛni, ɖo kunuɖeɖedɔ lɔ nyi mìwo sɛnsɛn kpaxwe ɖeka yí donɔ jijɔ nɔ Yehowa.
JI DWI NI KPƆ DOJI
Kpla nubuwo doji so lé Yehowa Kunuɖetɔwo wɛ yí ɖeɖeɛ kunu le xexeɛ pleŋ mɛ nu yí agbekpɔ lé Yehowa kpekpeɛdo mì nu do.
Kunuɖeɖe le xexeɛ keŋkeŋ mɛ: (A) Costa Rica, (B) États-Unis, (C) Bénin, (D) Thaïlande, (E) Yap, (F) Suède
4.Mìjenɔ agbla veviɖe yí yinɔ mɛshiamɛ gbɔ
Yehowa Kunuɖetɔwo je agbla yí wa nuvevi ɖewo koŋ yí asun ji aɖe kunu nɔ amɛwo le fiɖekpokpui ci wole. Xo VIDEO lɔ, keŋ agbeje nyɔbiɔse ci yí gbɔgbɔ mɛ.
Ci èkpɔ lé Yehowa Kunuɖetɔwo jenɔ agbla sugbɔ gbɔxwe aɖe kunu nɔ amɛwo ɖe, nyi yí kpaca eo le mɛɔ?
Hlɛn Matie 22:39 koɖo Rɔmatɔwo 10:13-15, yi godu nagbeje nyɔbiɔse cɛwo mɛ:
Lé mìwo kunuɖeɖedɔ lɔ danasɛ do mɔ mìlɔn mìwo kpenawoɔ?
Lé Yehowa kpɔnɔ mɛ ciwo yí le eŋɛnywi lɔ drakɔ doɔ?—Kpɔ kpukpui 15.
5. Mìnyi mɛ ciwo yí wakɔ dɔ koɖo Mawu
Ŋciwo tɔxu amɛwo kpɔ sugbɔtɔ dasɛ mɔ, Yehowa ŋtɔ yí dadasɛ mɔ nɔ mìwo dɔ lɔ. Le kpɔwɛ mɛ le Nouvelle Zelandeɔ, nɔviŋsu ɖeka ci yí tɔ mɔ Paul kpɔ nyɔnu ɖeka hwenu eɖekɔ kunu toto axwewo mɛ fiɛfi ɖeka. Nyidin gbenɔgbe lɔɔ, nyɔnu lɔ do gbe ɖaɖa nɔ Mawu yí yɔ yi ŋkɔ Yehowa mɔ yɛ le wɛ keke nɔ yi nyɔnutɔ ɖe avaji ye kpɔ. Paul nu mɔ “nyɔnu lɔ do gbe ɖaɖa ɖegbɔ gaxoxo amɛtɔn gblamɛ yí yevaɖo hɔn ji ni.”
Hlɛn 1 Korɛntitɔwo 3:9, keŋ agbeje nyɔbiɔse cɛ mɛ:
Lé enutɔxukpɔkpɔwo shigbe mɔ Nouvelle Zelande tɔ lɔ nɛ dasɛ do mɔ Yehowa yí dadasɛ mɔ nɔ dɔ lɔɔ?
Hlɛn Edɔwawawo 1:8, keŋ agbeje nyɔbiɔse cɛ mɛ:
Nyi yí taɖo ele mɔ Yehowa akpedo mì nu gbɔxwe mìawa mìwo kunuɖeɖedɔ lɔ vɛɔ?
Ènyaa?
Kwɛshila ɖeka duu le mìwo kwɛshila dodomɛ bɔbɔwo mɛɔ, mìxɔnɔ kpla ci yí kpenɔdo mì nu mìɖenɔ kunu. Nɔ èyi bɔbɔ lɔwo ɖe vayi vɔ ɖe, lé èkpɔ ekpla lɔ ci wonanɔ mì doɔ?
6.Mìwanɔ do enyɔ ci Mawu nu ji mɔ mìwo le ɖe kunu
Le exwe sanŋdi ŋkɔtɔ mɛɔ, egufɔntɔwo tekpɔ mɔ yewoaɖo te Yesu dokplɔtɔwo nɔ woami kunu ɖeɖe. Kristotɔ ŋkɔtɔwo je agbla yí ‘ɖo eŋɛnywi lɔ le se nu’ yí sɔ hwlɛn ta ni. (Filipitɔwo 1:7, NWT) Ahan Yehowa Kunuɖetɔwo can wɛwɛ le egbɛ mɛ nɛ.a
Hlɛn Edɔwawawo 5:27-42, keŋ agbeje nyɔbiɔse cɛ mɛ:
Nyi yí taɖo mìdavami kunu ɖeɖeɔ?—Kpɔ kpukpui 29 38, koɖo 39.
MƐÐE TƐNŊ BIƆ SE MƆ: “Nyi yí taɖo Yehowa Kunuɖetɔwo tonɔ xɔmɔnu xɔmɔnu nɔ amɛwoɔ?”
Nyɔ ci ànu asɔ ɖo ŋciɔ?
ENU CI ÈKPLA
Yesu dɔ yi dokplɔtɔwo mɔ wo le dra ŋɛnywi lɔ nɔ jukɔnwo pleŋ. Yehowa kpekpeɛdo yi mɛwo nu nɔ woawa dɔ cɛ.
Enumɛtoto
Lé wole eŋɛnywi lɔ drakɔ le xexeɛ pleŋ mɛ doɔ?
Lé kunuɖeɖedɔ lɔ ci mìwakɔ dasɛ do mɔ mìlɔn mìwo kpenawoɔ?
Èkpɔɛ mɔ kunuɖeɖedɔ lɔ adɔ eji ajɔ mì drua? Nyi yí dɔ ènu ahan ɔ?
KPƆ ŊCƐWO KPƆ
Kpɔ lé Yehowa Kunuɖetɔwo wɛ yí ɖenɔ kunu nɔ amɛwo le juganwo mɛ.
Lé Yehowa Kunuɖetɔwo wɛ yí kpenɔdo mɛ ciwo yí le bexu tɔxuwo nuɔ?
Mɛɖeka dre ŋci yí taɖo eji jɔjɔɛ ci esɔ agbe yitɔ ke nɔ eŋɛnywidradradɔ lɔ. Se nyɔ ciwo enu.
Kpɔ kojoɖoɖo gbeta vevi ɖewo ciwo yí dɔ eŋɛnywi lɔ dradra vale fafɛɖe ɖa.
“Fyɔɖuxu ŋɛnywidratɔwo hwlɛnnɔ ta nɔ wowoɖekiwo le kojoɖoxu” (Mawu Fiaɖuƒea Le Dzi Ðum!, eta 13)
a Mawu yí na gbe mì mɔ mìwo le ɖe kunu. Eyi dɔ deʒan mɔ egawo yí ana gbe Yehowa Kunuɖetɔwo duu gbɔxwe woadra eŋɛnywi lɔ o.