Lé àzan wemavi cɛ do

Le kpashi ciwo yí gbɔgbɔ mɛɔ, àkpɔ ŋkeke ɖeshiaɖe mawunyɔkpukpui koɖo yi numɛɖeɖewo. Ci woatɛnŋ ahlɛn mawunyɔkpukpui lɔ gaɖekpokpui mɛ le ŋkeke lɔ mɛ can ɔ, amɛ sugbɔ kpɔɛ mɔ nɔ wowɛ nyidin ɔ, ado amɛ ji sɔwu. Ecɛ ana woatɛnŋ abukɔ tamɛ kpɔ so nyɔ lɔ nu le ŋkeke lɔ pleŋ mɛ. Nɔ xomuwo gbeje mawunyɔkpukpui lɔ mɛ dojuɔ, enyɔnɔ sugbɔ. Betɛli xomu ciwo yí le xexeɛ pleŋ mɛ wɛni le nyidin ŋɖuɖu hwenu.

Wosɔ numɛɖeɖe lɔwo so Jutakpɔxɔ (ciwo wosɔ [w] do jeshi) avril 2019 vaɖo mars 2020. Nuhlɛnkui ŋkɔtɔ ci yí kplɔ (w) lɔ do yí nyi exwe ci mɛ Jutakpɔxɔ lɔ to le. Nuhlɛnkui ci yí kplɔɛdo yí nyi wleci ci mɛ eto le, yí ci(wo) yí kplɔɛdo nyi kpashi ci(wo) mɛ wosɔ numɛɖeɖe lɔwo le. Yí kpɛtɛkpɛtɛ lɔ(wo) nyi mamamɛ ci(wo) mɛ wosɔ numɛɖeɖe lɔwo le. (Kpɔ kpɔwɛ ci yí le gɔnmɛ.) Nɔ èji mɔ yeakpɔ numɛɖeɖe buwoɔ, àtɛnŋ aji kpɔ le nyɔta lɔ mɛ eoŋtɔ.