LÉ ÀWƐ ATƆ SEŊ KANKAN JI NYWIÐE
ENUKPLAKPLA 6
Nyi jitrinɔ
Gɔnmɛɖose: “Mìwo Mawu na jitri mì yí mìnu eŋɛnywi lɔ nɔ mí.”—1 Tɛs. 2:2, NWT.
Lé Yesu Wɛ Do
1. Kpɔ VIDEO lɔ, alo hlɛn Luiki 19:1-7. Le yi goduɔ, gbeje nyɔbiɔse ciwo yí gbɔgbɔ mɛ:
Nyi yí taɖo mɛɖewo aji mɔ yewoanɔ azɔge nɔ Zasheɔ?
Nyi yí cucu Yesu yí eji mɔ yeadra eŋɛnywi lɔ ni duuɔ?
Nyi Mìkpla So Yesu Kpɔwɛ Lɔ Mɛɔ?
2. Mìʒan jitri gbɔxwe aɖe kunu so Mawu Fyɔɖuxu lɔ nu yí mìdatra amɛ mɛ o.
Sran Yesu
3. Ðoŋ do Yehowa nu. Mawu gbɔngbɔn na ŋsɛn Yesu yí eɖe kunu; atɛnŋ ana eo can hɛnnɛ. (Mat. 10:19, 20; Luiki 4:18) Biɔ Yehowa nɔ ana jitri eo yí nàɖe kunu nɔ mɛ ciwo yí èvɔnnɔ nɔ.—Edɔwawawo 4:29.
4. Ŋgbekpɔ lé amɛwo le do yí asɔ donɔ hwɛ wo o. Etɛnŋ jɔ mɔ lé amɛwo ze do le gbaza mɛ, texwe ci wole, wowo nunɔamɛshiwo, lé wonɔkɔ agbe do alo wowo jixɔsewo ana mìaxo nu kpɔ yí amɔ mìdanu eŋɛnywi lɔ nɔ wo o. Vɔ ɖo ŋwi mɔ:
Yehowa koɖo Yesu yí tɛnŋ kpɔnɔ ejiwo mɛ; mìwodetɛnŋ kpɔɛni o.
Yehowa atɛnŋ aku ŋshishi nɔ mɛɖekpokpui.
5. Wanɔ blɛwu yí aje aye nɔ ènyi jitrinɔ. (Mat. 10:16) Ŋgbedɔnnɔ nyɔ koɖo amɛwo o. Ðo te seŋkankan lɔ koɖo bubu, nɔ mɛɖe deji mɔ yease eŋɛnywi lɔ o alo nɔ èkpɔ mɔ ye gbe le afɔku mɛ.—Elo. 17:14.