Edɔngbegbe

Lé Yesu Wɛ Do

VIDEO: Yesu Nakɔ Nukplamu Jajɛ Dɔkunɔ Ðeka

1. Kpɔ VIDEO lɔ, alo hlɛn Maki 10:​17-22. Le yi goduɔ, gbeje nyɔbiɔse ciwo yí gbɔgbɔ mɛ:

1. Nɔnɔmɛ nywi ciwo yí Yesu do jeshi le jajɛ dɔkunɔ lɔ nuɔ?

2. Nyi yí taɖo Yesu ʒan lɔnlɔn koɖo dɔngbegbe gbɔxwe ana nukplamu ŋsu lɔɔ?

Lé Mìasran Yesu Kpɔwɛ Lɔ Doɔ?

2. Eʒan mɔ mìasɔ lɔnlɔn xo nuxu nɔ nukplavi lɔwo, vɔ mìato nyɔnɔnwi nɔ wo nɔ akpedo wo nu woawa ŋkɔyiyi le gbɔngbɔn mɛ.

Sran Yesu

3. Kpedo Bibla nukplavi lɔ nu nɔ aɖo tajinuwo keŋ aɖo wo gbɔ.

1. Zan akpaxwe ci yí nyi “Ðui awa ŋcɛ” le nukplakpla ɖekaɖeka mɛ nɔ Se vivi nɔ agbe lɔ sɔyi mavɔ! wema lɔ.

2. Kpedo ao nukplavi lɔ nu, nɔ ado jeshi enu ŋtɔŋtɔ ciwo awa keŋ aɖo tajinu hwɛhwɛwo koɖo ganganwo gbɔ.

3. Kannɔfu nukplavi lɔ gashiagamɛ nɔ ŋkɔyiyi ciwo ewa.

4. Do jeshi ŋciwo yí xekɔ mɔ nɔ nukplavi lɔ yí awa ŋkɔyiyi yí eglo keŋ akpedo nu nɔ aɖu wo ji.

1. Biɔ eoɖeki se mɔ:

   • ‘Nɔ anyi nukplavi dewakɔ ŋkɔyiyi keke awa ʒinʒindoshimɛ ɖe, nyi gbɔ esoɔ?’

   • ‘Enu ŋtɔŋtɔ ci natɛnŋ awa asɔ kpedonuɔ?’

2. Do gbe ɖaɖa abiɔ edɔngbegbe keŋ asɔ lɔnlɔn kan seŋ koɖo nukplavi lɔ yí ato nyɔnɔnwi ni so ŋci eɖo awa nu.

5. Ðo te Bibla nukplavi ciwo yí dewakɔ ŋkɔyiyi o.

1. Nɔ ànya nɔ ao Bibla nukplavi deyikɔ ŋkɔɔ, biɔ eoɖeki se mɔ:

   • ‘Éwakɔ do ŋciwo ekplakɔ jia?’

   • ‘Évanɔ hamɛ lɔ bɔbɔwo, yí dranɔ nyɔnɔnwi lɔ nɔ mɛbuwoa?’

   • ‘Nɔ ékpla nu nanɔ hwenu jinjinɖe ɖe, éji mɔ yeatrɔ Yehowa Kunuɖetɔa?’

2. Nɔ Bibla nukplavi ɖe deyikɔ ŋkɔɔ:

   • Kpedo nu nɔ abu tamɛ kpɔ yí ado jeshi ŋciwo yí xekɔ mɔ ni.

   • Sɔ ayexa anu ŋci yí dɔ èjikɔ aɖo te enukplakpla lɔ.

   • Nu ŋciwo eɖo awa nɔ éji mɔ yeagbetrɔ atɔ enukplakpla lɔ ji.