Mìwo gbedoɖawo nɔnɔ veviɖe nɔ Yehowa

Gbedoɖa ciwo Mawu senɔ le shigbe lifin ci wotɔnɔ zo do ŋmɛ nɔ Yehowa le gbedoxɔmɛ gbeshiagbe yí ehwɛnnɔ te lilili nɛ. (Eha 141:2) Nɔ mìnunɔ nɔ mìwo Da ci yí le jeŋkwimɛ lé mìluin koɖo lé yi nu jenɔŋ nɔ mì do yí nunɔ mìwo nyɔwo koɖo mìwo drowo ni yí gbebiɛni mɔ yɛ le dasɛ emɔ nɔ mìɔ, anyi mìdadasɛ mɔ exlɔnyinyi ci yí le mìwo koɖo yɛ gblamɛ xɔ afi nɔ mì. Nyɔnɔnwi enyi mɔ Yehowa kpɔnɔ jugbaja gbedoɖa kleŋ ciwo mìwanɔ le bɔbɔwo shigbe akpaxwe vevi ɖeka nɔ sɛnsɛn ci mìsɔ nini. Ele ahan gan, kpɔ lé ajɔ ji nɔ Yehowa do nɔ mìhunnɔ mìwo ji yí xonɔ nuxu nɔ Yehowa na nɔ hwenu jinjinwo le amɛɖekɛ gbedoɖa mìwo tɔwo mɛ!—Elo 15:8.

MÍKPƆ VIDEO CI YÍ NYI ŊDONƆ GBE ÐA LE ANYI GBE PLEŊ MƐ, KEŊ AÐO NYƆBIƆSE CIWO MÌAKPƆ YƐ ŊCI:

• Edɔ vevi ciwo yí nɔviŋsu Johnson wa le Yehowa sɛnsɛn mɛɔ?

• Lé nɔviŋsu Johnson dasɛ le yi gbedoɖawo mɛ mɔ yegodo Yehowa nu doɔ?

• Nyiwo èkpla le ŋciwo mɛ nɔviŋsu Johnson to mɛɔ?