KRISTOTƆWO GBENƆNƆ
Yehowa Hwlɛnnɔ mɛ Ciwo yí Gbɔjɔ Gan
Mɛshiamɛ gbɔjɔnɔ hweɖewonu. Nɔ wogbɔjɔɔ, de eyi enyi mɔ wodele gbɔngbɔn mɛ yɔ o. Nɔ mìanuiɔ, Yehowa ŋtɔ can ci susu mɛ hweɖekanu. (Gɔnm 6:5, 6) Vɔ lé mìawɛ nɔ mìnɔnɔ ŋshishi mɛ ɖoɖu alo nɔ enyi mìlonɔ nu kpɔ gashiagamɛɔ?
Nu nɔ Yehowa nɔ akpedo eo nu. Yehowa sɔnɔ ɖe le lé enu wanɔ nɔ mì ji koɖo lé mìle do. Nɔ mìle jijɔ mɛ alo enulolokpɔ mɛɔ, ényanɔ. Émɔŋje ŋci yí dɔ taɖo mìbuɔ tamɛ kpɔ koɖo ŋci yí dɔ taɖo mìwakɔ nu ahan mɛ. (Eha 7:9b) Vevitɔ lɔ yí nyi mɔ, Yehowa lenɔ bu nɔ mì yí atɛnŋ akpedo mì nu nɔ mìle ŋshishi mɛ alo nɔ mìgbɔjɔ can.—Eha 34:18.
Glɔn ta nɔ ao susu. Susu dɔndɔnwo atɛnŋ adɔ yí mìakpɔ jijɔ yí aglo, yí ahanke atɛnŋ adɔ yí Yehowa sɛnsɛn can aglo nɛ. Ci enyi ahan ɔ, ányɔ mɔ mìaglɔn ta nɔ mìwo ji—mɛ ci mìnyi le xomɛ.—Elo 4:23.
MÍKPƆ VIDEO CI YÍ NYI LÉ MÌWO NƆVIWO KPƆKPƆ FAFA DO CI WOGBƆJƆ CAN, KEŊ AÐO NYƆBIƆSE CIWO MÌAKPƆ YƐ ŊCI:
Enuŋtɔŋtɔ ɖewo ci Nikki wa yí ekpedo nu eɖu enulolokpɔ jiɔ?
Nyi yí taɖo Nikki kpɔɛ mɔ yɛʒan mɔ yeayi dotoxweɔ?—Mt 9:12
Lé Nikki kando Yehowa ji do mɔ yɛakpedo ye nuɔ?