19-25 JANVIER

EZAI 24-27

Ehajiji 56 koɖo Gbedodoɖa | Enuɖetinɔnyɔwo (Minici 1)

MAWU NYƆ MƐ DƆKUNUWO

1. “Mìwo Mawu ke!”

(Minici 10)

Susu sugbɔ li ciwo yí dɔ mìasɔ mìwo Mawu Yehowa sɔ yi go (Ezai 25:9; cl 15 mm. 21)

Éɖo enunywi sugbɔ ɖɛ nɔ mì do xexe yoyu lɔ mɛ yí ŋɖuɖu nywiwo abɔ kɔɖɛ (Ezai 25:6; w24.12 6 mm. 14)

Ána agbe mavɔ mì (Ezai 25:7, 8; w25.01 28-29 mm. 11-12)

Nɔviŋsu shinshin ɖeka ci yí le kekevi mɛ ɖeɖeɛ kunu nɔ mɛ ci yí lenɔ bu ni.

BIƆ EOÐEKI SE MƆ, ‘Le ŋciwo nawa le kwɛshila cɛ mɛ ɖe, mi yí naxo nuxu nɔ so Yehowa gbeɖuwo nuɔ?’

2. Bibla mɛ Nuveviwo

(Minici 10)

Ezai 24:2—Lé wotrɔ yí nu kpukpui cɛ do le Xexe Yoyu Gɔnmɛɖeɖe ci wotrɔ yí wa mɛɔ? (w15 12/15 17 mm. 1-3)

Your answer
Ci èhlɛn Bibla kwɛshila cɛ mɛ tɔ ɖe, enuvevi ciwo nu èji mɔ yeaxo nuxu soɔ?

Your answer

3. Bibla Hlɛnhlɛn

(Minici 4) Ezai 25:1-9 (th enukplakpla 10)

TÈKPƆ NƆ AO KUNUÐEÐEDƆ ANYƆ DOJI

4. Lé Àwɛ Atɔ Seŋkankan ji Nywiɖe

(Minici 3) KUNUÐEÐE LE JUGBAJA. Xò nuxu so ŋci yí ajɔ ji nɔ amɛ lɔ nu. Dàsɛ mìwo siti jw.org nɔ amɛ lɔ. (lmd enukplakpla 1 hlɛnhlɛnmɛ 3)

5. Wànɔ Trɔtrɔyiwo Nywiɖe

(Minici 4) SO AXOMƐ YI AXOMƐ. Xò nuxu so nyɔnɔnwi ɖeka nu le enyɔ ciwo yí le vɔvɔnu A mɛ nɔ Lɔn Amɛwo wemagbaja lɔ. (lmd enukplakpla 9 hlɛnhlɛnmɛ 4)

6. Drè ao Jixɔsewo mɛ

(Minici 5) Wadasɛ. ijwbq enukplakpla 160—Nyɔta: Nyi yí Taɖo Woyɔ Yesu mɔ Mawu Viɔ? (th enukplakpla 3)

KRISTOTƆWO GBENƆNƆ

Ehajiji 144

7. Kando Yehowa ji Keŋkeŋ nɔ Èdradra do nɔ Dotoxwenyɔwo Alo nɔ Amɛzɛnzɛn

(Minici 15) Enyɔlekpɔ.

Yehowa glɔnnɔ ta nɔ “mɛ ciwo kannɔdo ji keŋkeŋ.” (Hlɛn Ezai 26:3, NWT.) Nɔ mìdradra do nɔ dotoxwenyɔwoɔ, mìatɛnŋ adasɛ mɔ mìkando Yehowa ji nɔ mìzannɔ ŋciwo ena mì.

Foto ciwo yí le video ci yí nyi “Èdra do ɖɛ nɔ Dotoxwenyɔwoa?” mɛ. 1. Nɔviŋsu ɖeka wawa numɛkuku le Bibla koɖo enukplakpla 39 tɔ mɛ nɔ “Se Vivi Nɔ Agbe Lɔ Sɔyi Mavɔ!” wema mɛ. 2. Nɔviŋsu ɖeka dodoɔ alɔ̀ kati DPA mɛ. 3. CLH mɛ ɖeka nana kpekpedonu to telefonu ji. 4. Nɔvinyɔnu ɖeka dadasɛ wemawo nɔ doto ɖeka.

Xò VIDEO Èdra do ɖɛ nɔ Dotoxwenyɔwoa? yí abiɔ se mɔ:

Enu amɛtɔn ciwo yí akpedo mì nu nɔ mìdradra do nɔ dotoxwe cukaɖawoɔ?

Your answer
Lé dotoxwe wema ciwo wowa akpedoa mì nu doɔ?

Your answer
Hwenu enyɔ mɔ woayɔ Dotoxwe Kacaca Jikpɔgbɛ mɛ Tɔwoɔ?

Your answer
Lé èkpɔ ŋcɛ ciwo wona mì koɖo lɔnlɔn doɔ?

Your answer

“Fafa ci yí ani” gbeɖu ci yí le Ezai 26:3 gɔnmɛ denyi kpɔ mɔ Yehowa aglɔn ta nɔ mì le dotoxwe cukaɖawo mɛ o. Éwaɖeɔ, toto ŋciwo habɔbɔ lɔ nakɔ mì jiɔ, ákpedo mì nu mìakpɔ mɔ mìle vofamɛ koɖo fafa mɛ le hwenu ŋtɔ́wo mɛ.

8. Hamɛ Bibla Nukplakpla

(Minici 30) lfb enukplakpla 54-55

Etacunɔnyɔwo (Minici 3) | Ehajiji 53 koɖo Gbedodoɖa

a Nɔ èʒan Enyɔtakankan nɔ Funɔwo (S-401), Nyɔtakankanwo nɔ Mɛciwo Woɖo Awa dɔ nɔ Alo Azan Chimiothérapie Dɔdamɔnu nɔ (S-407) koɖo Le Woaglɔnta nɔ Amɛ Viwo do le Ehun Zanzan ci de Sɔgbe Koɖo Bibla mɛ (S-55) ɔ, èhɛn abiɔ hamɛmɛshinshinwo.