Dra Ao Ji Do

Nɔ mìkplakɔ Biblaɔ, mìji mɔ Yehowa susuwo le wa edɔ do mìwo ji ji alo mɛ ciŋmɛ mìnyi ji. Ezra gbe kpɔwɛ nywi ɖɛ nɔ mì le akpa cɛ xwe ci “edra yi ji do keŋ agbeje Yehowa Se lɔ mɛ.” (Ezra 7:10) Lé mìatɛnŋ adra mìwo ji do doɔ?

Do gbe ɖaɖa. Tɔ enukplakpla ɖekaɖeka ji koɖo gbedodoɖa. Biɔ Yehowa mɔ yi le kpedo ye nu nɔ yease gɔnmɛ nɔ enu ci yekpla lɔ yí awa do ji.—Eha. 119:​18, 34.

Sɔ eoɖeki hwenɔ. Mawu sɔnɔ nyɔnɔnwi lɔ sɔ wlanɔ do mɛ ciwo yí gangannɔ wowoɖekiwo yí kannɔdo wowoŋtɔwo nunya ji. (Luiki 10:21) Ŋgbeji enu gɔnmɛ kpɔ keŋ atekpɔ mɔ yeadɔn amɛwo susu va eoɖeki ji o. Nɔ èvakpɔɛ mɔ ye susu desɔgbe koɖo Mawu tɔɔ, sɔ eoɖeki hwe yí atrɔ ao susu nɔ asɔ koɖi.

Tekpɔ aɖonɔ to Fyɔɖuxu hawo. Miziki ɖo ŋsɛn yí awa edɔ do mìwo ji ji yí adra mì do ɖɛ nɔ enukplakpla so Mawu nu. Nɔ èse Fyɔɖuxu ha ɖe gbɔxwe yí tɔ enu kplakplaɔ, atɛnŋ akpedo eo nu nàdra ao ji do.