Wɛ nɔ Kankandoji ci Èɖo mɔ Yehowa Ahwlɛn ye Gan Asɛnŋ

Hlɛn Amɛ Hlɛnhlɛn 13:25–14:4 yí akpɔ lé Izraɛliviwo degbevakando Yehowa ji do.

Gbeje enu ciwo yí trɔdiwo mɛ kpɔ. Nyi yí taɖo Izraɛliviwo ɖo akando ji mɔ Yehowa ɖo enujikpekpe yí ahwlɛn yewo gan hwenu woso le Eʒipti ɔ? (Eha. 78:​12-16, 43-53) Vivivi ɖe, nyi yí na yí wodegbevakando Yehowa jiɔ? (2 Ese. 1:​26-28) Lé Ʒozue koɖo Kalɛbu dasɛ mɔ yewokando Yehowa ji doɔ?—Amh. 14:​6-9.

Ji dwi ni kpɔ doji. Nyi Izraɛliviwo ɖo awa sa nɔ kankandoji ci woɖo do Yehowa nu asɛnŋ dojiɔ? (Eha. 9:10; 22:4; 78:11) Ekacaca ci yí le gblamɛ nɔ bubudodo Yehowa nu koɖo kankando Yehowa ji mɛɔ?—Amh. 14:11.

Do jeshi nukplamu lɔwo. Biɔ eoɖeki se mɔ:

• ‘Nyiwo yí atɛnŋ adɔ yí ŋdagbekando Yehowa ji keŋkeŋ ɔ?’

• ‘Lé natɛnŋ ado ŋsɛn kankandoji ci ŋɖo do Yehowa nu le kakacɛ koɖo le esɔ mɛ doɔ?’

• ‘Nyi yí na ŋkando ji mɔ efunkpekpe gangan lɔ gbɔkɔ xiiɔ?’—Luiki 21:​25-28.