Yehowa Kunuɖetɔwo koɖo Ʒuifu Ciwo Wowu​—Enyɔ ci Bibla Nu So Nuɔ?

27 Janvier 2023 yí anyi Ʒuifuwo Wuwu Ŋwiɖoɖo Ŋkeke le Xexeɛ keŋkeŋ mɛ yí amɛ sugbɔ aɖo ŋwi azan cɛ. Enuvwin koɖo enudakpu ciwo yí jɔ ewu exwe 75 vayi atɛnŋ adɔ nabiɔ eoɖeki se mɔ nyi yí taɖo Mawu bɔnu yí wowu Ʒuifuwo ahan ma.

• Nɔ àkpɔ enyɔ ci Bibla nu so nuɔ, hlɛn nyɔta ci yí nyi “Nyi yí taɖo Mawu bɔnu yí Nazitɔwo wu Ʒuifuwoɔ?”

Ʒuifuwo yí ɖu aya sugbɔ hwenu Nazitɔwo jijiɛ mɔ yewoagu Ʒuifuwo si. Woxa ɖui yí wu Ʒuifu miliɔn nɛniɖe. Woci yumɛ nɔ mɛ ciwo yí le gbɛbɔbɔ buwo mɛ hɛnnɛ yí wu ɖewo hwenu wowukɔ Ʒuifuwo. Gbɛbɔbɔ lɔwo domɛtɔ ɖeka yí nyi Yehowa Kunuɖetɔwo. Woci yumɛ nɔ wo do jixɔse ciwo woɖo do Bibla ji.

• Nɔ èji mɔ yeakpla nubuwo kpiɔ, hlɛn enyɔta ci yí nyi “Qu’est-il arrivé aux Témoins de Jéhovah sous le régime nazi ?”

“Nana emɔkpɔkpɔ mí yí esɔmɛ anyɔ nɔ mí”

Amɛ sugbɔ vɔnvɔn mɔ Ʒuifuwo wuwu han ɖe agbejɔ dru. Akpe mìado mɔ, Bibla ɖo gbe mɔ le esɔ mɛɔ, enudakpu ŋtɔ́ han ɖe dagbejɔ o.

• “Yehowa nu mɔ, ‘ŋnya tamɛ ci yí ŋɖo do mí nu nywiɖe, fafa tamɛ yɔ, denyi evɔn tɔ yɔ o, nana emɔkpɔkpɔ mí yí esɔmɛ anyɔ nɔ mí.’”​—Ʒeremi 29:11, NWT.a

Emɔkpɔkpɔ cɛ avamɛ hwenu Yehowa Mawu agu nuvwin yí adra enu ciwo edahɛn do. Dagbejinjin o:

• Áɖe mɛ ciwo yí sɔ xomɛveve cunɔ nu kpɔ koɖo wowo kpenawo si.​—Elododo Wema 2:22.

• Áda dɔ̀ nɔ mɛ ciwo pleŋ yí kpe fun.​—Enyɔdasɛ 21:4.

• Áfɔn mɛ ciwo pleŋ yí ku va agbe le nyigban ji.​—Ʒan 5:28, 29.

Àtɛnŋ akando emɔkpɔkpɔ fakɔnnamɛ ci gbe Bibla ɖo ji. Nɔ àkpɔ enu ci yí taɖoɔ, mìɖe kuku, te Bibla kplakpla to seŋkankan ji ehomana mìwotɔ lɔ kpɔ.