Woɖo ’To Satana​—Nyi Yí Tó Le Mɛɔ?

Adamu koɖo Ɛva ku, ɖo wodese ’tonu nɔ Mawu o. Gɔnmɛjeje Wema 3:6, 3

Ɛva ɖo ’to edan lɔ yí ɖu acikusɛnsɛn lɔ. Le yi goduɔ éna Adamu yí ’yɛ can ɖui.

Enu dɔndɔn yí wowa. Nuvɔn yɔ. Mawu nyan wo ti le Edɛn Kpa lɔ mɛ.

Agbenɔnɔ va sɛnŋ do wo koɖo wowo viwo. Adamu koɖo Ɛva ku nyɔxo yí va ku. Ŋɖe detó só wo mɛ yí yi fiɖe o. Wodegbele agbe le fiɖekpokpui o.

Nɔ ’mɛ ɖe kuɔ étrɔnɔ ekɔ ci mɛ agbe ɖekɛ dele o. Gɔnmɛjeje Wema 3:19

Mìkunɔ ɖo Adamu koɖo Ɛva jijimɛ viwo mì pleŋ nyi. Amɛ kukuwo datɛnŋ akpɔ ’nu o, ase ’nu o abi awa enu ɖekpokpui o.​—Ŋununyatɔ 9:10.

Yehowa dewa agbetɔ mɔ yɛaku sa o. Le majinjin ɖe mɛɔ, áfɔn amɛ kukuwo. Nɔ wowa do yi sewo jiɔ woanɔ agbe tɛgbɛɛ.