ENUKPLAKPLA 8

Kpɔwɛ ciwo mɛ nukplamu le zanzan

Matie 13:34, 35

SUSU VIVI LƆ: Zannɔ kpɔwɛ fafɛ ciwo ao nyɔsetɔwo jeshi keŋ asɔ ɖe susu veviwo ti, nɔ ao nukplakpla anyɔ doji.

Zannɔ kpɔwɛ fafɛwo. Shigbe Yesu hannɛɔ, zannɔ enu nyɛkwinwo asɔ ɖe enu ganganwo mɛ koɖo enu fafɛwo asɔ ɖe enu sɛnŋsɛnŋwo mɛ. Ŋgbenu enumɛɖeɖe ciwo yí deʒan nɔ kpɔwɛ lɔ gɔnmɛsese agbɔnnu o. Te kpɔ nɔ ao kpɔwɛ lɔ mɛ nyɔwo asɔ koɖo nukplamu ci èjikɔ ana, nɔ ao nyɔsetɔwo ŋgbecaka o.

Lenɔ ŋkuvi do enuwo nu. Lenɔ ŋkuvi do xexeɛ mɛ nuwo nu, kplanɔ habɔbɔ lɔ wemawo yí aɖonɔ to enukplamɛtɔ bibiwo. Le ecɛwo wawa mɛɔ, donɔ jeshi kpɔwɛ ciwo yí àtɛnŋ azan yí ana ao nukplakpla lɔ anyɔ doji. Ŋwlɛnnɔ kpɔwɛ lɔwo daɖɛ.
Ao nyɔsetɔwo le nɔ susu mɛ nɔ eo. Can kpɔwɛ ciwo yí kudo ao nyɔsetɔwo dɔwo koɖo enu ciwo yí jɔnɔ ji nɔ wo nu. Ŋgbena nɔ ao kpɔwɛwo ado ŋkpɛn wo alo ana woase vevi o.
Ðe enukplamu vevi lɔ ti. Kpɔwɛ lɔ le kudo susu veviwo nu, ŋgbekudo numɛɖeɖe hwɛhwɛwo nu o. Te kpɔ nɔ ŋgbenyi kpɔwɛ lɔ ɖekɛ yí aci susu mɛ nɔ ao nyɔsetɔ lɔ o, vɔ le ɖo ŋwi enukplamu vevi ci yí le mɛ hɛnnɛ.